Tweeling (sterreteken)

Die Tweeling (Lat: Gemini) is die Westerse astrologiese teken van mense wat tussen ongeveer 21 Mei en 21 Junie gebore is. Dit is die derde teken van die Diereriem.

Tweeling (Gemini)
Die astrologiese simbool van die Tweeling

Die Tweeling is een van die drie lugtekens en een van die vier beweeglike tekens. Dis ’n manlike, positiewe, ekstroverte teken en is vergelykbaar met die Perd van die Chinese Diereriem.[1] Die tradisionele heerser van die Tweeling is Mercurius.

Tweelinge kom volgens die astrologie goed oor die weg met Waterdraers en Weegskale.

Agtergrond

Jou son- of sterreteken het betrekking op die stand van die Son tydens jou geboorte. Astroloë verdeel die Diereriem, die denkbeeldige gordel aan die hemelruim waarlangs die planete beweeg, in twaalf dele: die son- of sterretekens. Die "sterrebeelde" is eintlik die astronomiese konstellasies aan die hemelruim en kom weens die presessie van die nageweningspunte nie meer ooreen met die twaalf tekens wat in die astrologie gebruik word nie.

Verwysings
Hierdie artikel is merendeels vertaal vanaf die Nederlandse Wikipedia-artikel nl:Tweelingen (astrologie)
  1. Theodora Lau, The Handbook of Chinese Horoscopes, pxxvii, Souvenir Press, Londen, 2005

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.