Tulium

Die naam verwys na Thule, 'n naam vir Skandinawië. Dit is in 1879 deur die Sweedse chemikus Per Theodor Cleve ontdek. Hy het begin met erbia wat veral Er₂O₃ bevat, maar hy het daaruit twee onsuiwerhede geïsoleer. Die een was bruin wat hy holmia genoem het, die ander was groen en hy het dit thulia genoem. Dit was hoofsaaklik Ho₂O₃ en Tm₂O₃. Tulium is 'n taamlik seldsame element waarvan in die aardkors net 0,52 mg per kilogram aangetref word. Dit kan uit monasiet verkry word, maar vorm slegs 0,007% daarvan.[1]

Dit is 'n glansende silwergrys metaal wat sag en pletbaar is. Oplossing van Tm³⁺ is groen van kleur en hulle fluoresseer blou onder UV-lig. Hierdie eienskap word in die eurobanknote gebruik om vervalsing daarvan te beperk. Tulium word ook as dotering in YAG-lasers gebruik. Dit word gewoonlik as nie-giftig beskou en het geen bekende biologiese rol nie.[2]

Verwysings

"education.jlab" (in Engels). Geargiveer vanaf die oorspronklike op 29 Mei 2020.
"chemicool" (in Engels). Geargiveer vanaf die oorspronklike op 31 Mei 2020.

Eksterne skakels

Wikimedia Commons het meer media in die kategorie Tulium.

Wikiwoordeboek het 'n inskrywing vir tulium.

Chemie onbekend

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "education.jlab" (in Engels). Geargiveer vanaf die oorspronklike op 29 Mei 2020.

[2] "chemicool" (in Engels). Geargiveer vanaf die oorspronklike op 31 Mei 2020.