TuS Mayen

TuS Mayen is 'n sokkerklub uit Mayen in die deelstaat Rynland-Palts in Duitsland.

TuS Mayen

Volledige naam	Fussballverein TuS Mayen e.V. im Turn- und Sportvereins Mayen 1886/1914 e.V.
Stigtingsdatum	23 September 1886
Tuisveld	Nettetal-stadion, Mayen
Kapasiteit	5 000
Kompetisie	Oberliga Suidwes

Die klub het in 1939 ontstaan as Turn- und Sportverein Mayen 1886/1914 deur 'n samesmelting tussen SV Rheinland 1914 Mayen en TV 1886 Mayen. Na die Tweede Wêreldoorlog is die klub in 1945 herstig, maar omdat die Franse militêre regering gimnastiek verbied het, is klubs ook nie toegelaat om die benaming Turn- und Sportverein te gebruik nie. Die klub is toe herstig as Spiel- und Sportverein Mayen, maar is kort daarna herdoop na SV Rheinland Mayen. Die klub het die verbod probeer omseil deur die naam Tennis- und Sportverein aan te neem, maar dit is ook verbied, waarna die naam 1. Sport-Club Mayen 1886/1914 tydelik aangeneem is.

Op 1 Januarie 2005 het die klub 'n federasie van geassosieerde sportklubs geword, wat beteken dat elke sportafdeling onafhanklik geword het, maar gesamentlik lede van die sportfederasie is.

Mayen se grootste prestasie was om in 1974, 1975, 1976 en 2004 vir die hoofrondte van die DFB-Pokal te kwalifiseer, maar die klub kon nooit verder as die eerste rondte vorder nie.