Tsjetsjniërs

Die Tsjetsjniërs (Tsjetsjnies: Нохчий Noxçiy; Oud-Tsjetsjnies: Нахчой Naxçoy) is 'n etniese groep van die Nach-volke inheems aan die noordelike Kaukasus-streek in die Europese deel van Rusland. Hulle praat Tsjetsjnies, 'n Noordoos-Kaukasiese taal, as moedertaal en Russies as tweede taal. Die Tsjetsjniërs is hoofsaaklik aanhangers van die Soennitiese Islam, gevolg deur klein minderhede van Oosters-Ortodokse Christene en Ateïste.

Hierdie artikel handel oor die etniese groep. Vir die taal, sien Tsjetsjnies.

Tsjetsjniërs
Totale bevolking:	1,5[1]–2 miljoen[2]
Belangrike bevolkings  in:	Rusland 1 431 360[3] Tsjetsjnië 1 031 647[4] Ingoesjetië 95 403[4] Dagestan 87 867[4] Rostof-oblast 15 469[4] Moskou-oblast 14 465[4] Stawropol-krai 13 208[4] Wolgograd-oblast 12 256[4] Tjoemen-oblast 10 623[4] Astrachan-oblast 10 019[4]  Europese Unie 130 000[5]–200 000[6]  Frankryk 30 000[7]  Oostenryk 25 000[7]  België 17 000[7]  Duitsland 12 000[7]  Turkye 100 000[8][9]  Kasakstan 38 000[10]  Jordanië 15 000[11]  Irak 10 000+[12]  Georgië 10 000  Sirië 5 000–6 000[13]  Azerbeidjan 5 000[8]  Egipte 5 000[8]  Oekraïne 2 877[14]  Kirgisië 2 200[15]  Spanje 2 100[8]  Oesbekistan 1 600[16]  Turkmenistan 900[17]
Taal:	Tsjetsjnies, Russies
Geloofsoortuiging:	Hoofsaaklik Soennitiese Islam[18] Minderhede Oosters-Ortodokse Kerk en Ateïsme
Verwante etniese groepe:	Nach-volke (Ingoesjetiërs, Bats-volke, Kist-volke) en ander Noordoos-Kaukasiese volke

Verspreiding van Tsjetsjniërs in die Kaukasus-streek in rooi

Tsjetsjniërs vorm die sesde grootste etniese groep in Rusland en maak sowat 1% van dié land se bevolking volgens die sensus van 2010 uit. Die meeste Tsjetsjniërs leef in die outonome republiek Tsjetsjnië (Rusland), gevolg deur Turkye.

Tsjetsjniërs is nou verwant aan die Ingoesjetiërs in die aangrensende Ingoesjetië en albei behoort tot die Nach-volke.