Treurgrond
Treurgrond is 'n Afrikaanse rolprent wat op 29 Mei 2015 vrygestel is met Steve Hofmeyr in die hoofrol en Darrell Roodt as regisseur. Die rolprent het R749 286 in sy openingsnaweek by die loket verdien.[1]
| Treurgrond | |
|---|---|
| Regisseur | Darrell Roodt |
| Produksieleier | Christianne Bennetto |
| Draaiboek | Tarryn-Tanille Prinsloo |
| Met | Steve Hofmeyr |
| Musiek deur | Geo Hoehn |
| Ateljee | Valhalla Productions |
| Uitgereik | 29 Mei 2015 |
| Speeltyd | 91 minute |
| Land | Suid-Afrika |
| Taal | Afrikaans |
| Amptelike webtuiste | |
Genre
Die film handel oor plaasmoorde in Suid-Afrika en hoe hierdie moorde elkeen op die plaas en omgewing raak. Die dramaprent is van Engelse onderskrifte voorsien. Dit het 'n ouderdomsperk van 16(TG) vir taal en geweld.
Hoofrolspelers
- Steve Hofmeyr as Lukas van Staden
- Erika Wessels as Mellie van Staden
- Shaleen Surtie-Richards as Katie
- Boikie Pholo as Daniel Lebona
- Richard van der Westhuizen as voorsitter
- Vicky Kente as die regter
- Jana Strydom as Helena Schoeman
- Richard Lkunku as Sersant Morena
- Barbara Marie Immelman as Christa van Staden
- Andre Frauenstein as Andre van Staden
- Gaeme Kriega as Edwin Labona
Storielyn
Treurgrond vertel die storie van Lukas van Staden (gespeel deur Steve Hofmeyr) wat sy bes doen om sy familie, vriende en plaas te beskerm. Dit wys hoe ineengevleg die lewe van almal in die boeregemeenskap is. Sonder die boere en die gemeenskap, sal daar geen kos geproduseer word nie en sal die land nie kan eet nie. Dit vertel verder hoe die boere voortgaan met hul boerdery, ten spyte van die plaasaanvalle en grondeise wat hulle moet trotseer. Elke moord laat 'n klomp mense sonder heenkome en 'n inkomste.
Sien ook
Verwysings
- Steve Hofmeyr se ‘Treurgrond’ vaar goed by die loket, Sarie, 2 Junie 2015