Tommy Hilfiger

Thomas Jacob Hilfiger ([hɪlˈfɪgər]; Elmyra, New York, VSA, 24 Maart 1951) is 'n Amerikaanse modeontwerper en die stigter van Tommy Hilfiger Corporation.

Tommy Hilfiger
Tommy Hilfiger in 2009
Gebore	Thomas Jacob Hilfiger (1951-03-24)24 Maart 1951 Elmyra, New York, VSA
Nasionaliteit	Verenigde State
Beroep	Modeontwerper
Bekend vir	Modeontwerpe; kleurkombinasie rooi-wit-blou; eerste globale mode-etiket vir sportagtige modes; bemarking van modes met musiekkunstenaars; subkultuurinvloede
Eggenoot	Susie Cirona (1980–2000) Dee Ocleppo (∞ in 2008)
Kinders	7
Webwerf	tommy.com

Tommy Hilfiger het reeds as hoërskoolleerling besluit om die mode van groot metropole toeganklik te maak vir kleiner gemeenskappe. Sy voorneme is in 1969 verwesenlik toe hy sy eie modewinkel The People's Place gevestig het. As outodidak het hy ontwerpersmodes bemark wat sy klante graag sou wou koop, maar wat nie in hul landelike omgewing beskikbaar was nie. Die sukses, wat hy met sy eerste besigheid behaal het, was groot genoeg om in 1979 na New York te verhuis en daar 'n loopbaan as modeontwerper te begin.[1]