Tiosulfaat

'n Tiosulfaat is 'n sout wat die komplekse anioon S₂O₃^2- bevat.

Eienskappe

Algemeen
Naam	Tiosulfaat
Termochemiese radius	2,51(19) Å[1]
Lys van anione

Die oksidasietoestand van die sentrale swaelatoom is +5 (V) en van die swaelatoom wat as ligand optree -1 (-I). Dit maak die gemiddelde oksidasietoestand +2 (II) vir swael.

As H₂S-gas deur 'n oplossing van sulfiet gelei word kan tiosulfaat gevorm word volgens:[2]

${\displaystyle 2H_{2}S+4SO_{3}^{2-}\to 3S_{2}O_{3}^{2-}+H_{2}O+2OH^{-}}$

Die ooreenkomstige suur is nie stabiel nie. Met sure ontleed tiosulfaat na swael en sulfiet.

${\displaystyle 8HS_{2}O_{3}^{-}\to S_{8}+8HSO_{3}^{-}}$

Die tiosulfaatioon het reduserende eienskappe. Oplossings van natriumtiosulfaat word in die jodometrie gebruik en is baie toegepas as fikseersout vir die fotografie wat op silwerbromide gebaseer was.

Tiosulfaat is ook biologies belangrik. In steenkoolafvalhope word piriet deur ferri-yster (Fe(III)) abioties geoksideer, wat tiosulfaat en ferro-yster (Fe(II)) vrystel. Bakterië wat swawelverbindings oksideer maak 'n bydrae tot dit proses deur tiosulfaat en sy vervalprodukte te oksideer.[3]

Tiosulfaat word soms toegepas as intraveneuse medisyne by akute gevalle van sianiedvergiftiging.[4]