Tim Robbins

Timothy Francis "Tim" Robbins (gebore op 16 Oktober 1958)[1] is ’n Amerikaanse akteur, draaiboekskrywer, regisseur, vervaardiger, aktivis en musikant.

Tim Robbins
'n Beeld van die betrokke persoonlikheid.
Robbins in 2012 by die Toronto-rolprentfees.
Geboortenaam Timothy Francis Robbins
Geboorte 16 Oktober 1958 (1958-10-16)
Aktiewe jare 1979-tans

Loopbaan

Sy akteursloopbaan het op die verhoog begin; hy was onder meer te sien in ’n verhoogweergawe van Antoine de Saint-Exupéry se boek The Little Prince. Nadat hy in 1981 gegradueer het, het hy The Actors' Gang, ’n eksperimentele akteursgroep, in Los Angeles gestig saam met vriende, onder andere John Cusack. Daarna het televisierolle gevolg in programme soos St. Elsewhere (1982) en Moonlighting. Sy deurbraakrol was as Ebby Calvin "Nuke" LaLoosh in die 1988-basketbalfliek Bull Durham, saam met Susan Sarandon en Kevin Costner.

Hy het lof en die prys vir beste akteur op die Cannes-rolprentfees gekry vir sy rol as die rolprentgrootkop Griffin Mill in The Player (1992). Hy het ook in 1994 saam met Morgan Freeman in die geloofde prent The Shawshank Redemption gespeel.

Robbins se ander rolle sluit in dié van Jacob Singer in Jacob's Ladder (1990) en Dave Boyle in Mystic River (2003), waarvoor hy ’n Oscar vir beste manlike byspeler gewen het. Hy was ook die regisseur van prente soos Dead Man Walking.

Verwysings
  1. "Tim Robbins". The New York Times (in Engels). Geargiveer vanaf die oorspronklike op 23 Mei 2013. Besoek op 14 Augustus 2010.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.