Tim Guest
Tim Guest (* 16 Julie 1975 – † 31 Julie 2009) (ook bekend as Yogesh en Errol Mysterio) was 'n Engelse skrywer en joernalis.
Vroeë lewe
Guest se ma, 'n sielkundige Anne Geraghty laat hom in die Verenigde Koningkryk op vier jaar agterbly terwyl sy na Indië gegaan het. In Indië raak sy betrokke by die Rajneesh-beweging. Die beweging is gestig deur die Indiese mistikus Bhagwan Shree Rajneesh, nou bekend as Osho. Na haar terugkeer, gee sy hom 'n nuwe naam, Swami Prem Yogesh wat beteken liefde vir of joga. Tim en sy ma trek daarna na Medina, 'n groot sannyas kommune in Suffolk, Engeland wat bestaan het van 1981 tot 1985. Hier gaan Guest na die kommune skool waar Engels en wiskunde verpligte vakke was en geskiedenis en politiek nie aangebied word nie. Gedurende Guest se jeug trek hulle tussen Osho gemeenskappe in Engeland, Indië, Duitsland en die Verenigde State. 'n Kindertyd wat hy later sou beskryf as “iewers tussen Peter Pan en Lord of the Flies".
Sy ma verlaat die beweging toe hy 11 jaar oud is en trek terug na Londen. Hy studeer aan die Sussex University met sielkunde as hoofvak en behaal 'n M.A. graad in kreatiewe skryf aan die Universiteit van East Anglia.
Loopbaan
Hy skryf artikels in The Guardian, The Observer en die Telegraph Magazine. Hy het ook twee boeke gepubliseer; My Life in Orange oor sy vroeë lewe, om groot te word in die Osho-beweging, en Second Lives, oor virtuele gemeenskappe waar hy bekend staan as Errol Mysterio.
Guest sterf in Julie 2009 aan 'n oordosis morfien op die ouderdom van 34 jaar.
