Tiffindell Ski-oord

Tiffindell Ski-oord is die enigste ski-oord in Suid-Afrika en een van slegs twee ski-oorde in Suider-Afrika (die ander een is Afriski in Lesotho). Dit is in 1993 in die suidelike Drakensberg gestig.[1] Die oord is sedert 2012 onder nuwe bestuur en het in 2013 heropen.

Tiffindell in die somer.

Tiffindell in die somer.

Tiffindell is 24 km (15 myl) bokant die dorpie Rhodes en omtrent 212 km (132 myl) oos van Aliwal-Noord, 'n groot dorp. Dis op 'n hoogte van 2720 m (8920 voet) aan die suidekant van Ben Macdhui, die hoogste berg in die Oos-Kaap met 'n hoogte van 3001 m (9846 voet), geleë. Die oord het ski-hellings van 2 km op 'n perseel van 15 hektaar.

Die oord beskik oor masjiene wat sneeu maak om die ski-gebiede in stand te hou. In 'n gemiddelde winter (Junie-Augustus) strek die kunsmatige sneeu oor 'n gebied van meer as 1000 meter (3300 voet). Die oord het ook 'n sneeubedekte pret-park. Toerusting kan daar gehuur word en vriendelike instrukteurs is beskikbaar om die besoekers op dreef te kry.

Sien ook

Verwysings

"How the good times have melted away at Tiffindell" (in Engels). Mail & Guardian. Geargiveer vanaf die oorspronklike op 9 Oktober 2019. Besoek op 15 Julie 2012.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] "How the good times have melted away at Tiffindell" (in Engels). Mail & Guardian. Geargiveer vanaf die oorspronklike op 9 Oktober 2019. Besoek op 15 Julie 2012.