Thomas P Stratten

Thomas Price Stratten (4 Junie 1904 - ) was 'n Suid-Afrikaanse ingenieur. Hy het aan die Universiteit van Oxford studeer op 'n Rhodes-beurs, gevolg deur twee jaar met die General Electric-maatskapy. Hy het in 1929 na Suid-Afrika teruggekeer en die posisie van assistent-elektriese ingenieur van De Beers oorgeneem. Hy het senior posisies by Yskor, die Union Corporation en ESCOM beklee. Na 'n tyd wat hy in die Direktoraat van Oorlogsvoorade bestee het, het hy Sappi se bedrywighede suksesvol uitgebrei[1] en was president van die Suid-Afrikaanse Instituut vir Elektriese Ingenieurs gedurende die 1940's.[2]

Balliol College, Oxford
Thomas Price Stratten
Gebore (1904-06-04)4 Junie 1904
Kimberley, Suid-Afrika
Vakgebied Elektriese ingenieurswese
Instelling(s) General Electric
Yskor
Eskom
SAPPI
Union Corporation
Alma mater Universiteit van Kaapstad
Balliol College,Oxford Universiteit

Opvoeding en loopbaan

Stratten is in 1904 in Kimberley, Suid-Afrika gebore. Hy het 'n BS (Ingenieurswese) aan die Universiteit van Kaapstad in 1923 behaal.[3] Hy was toe na Oxford Universiteit op 'n Rhodes-beurs waar hy sy meetersgraad in ingenieurswese behaal het aan Balliol College.[1][3] Hy het twee jaar by General Electric in die VSA gewerk en dan in 1929 na Suid-Afrika teruggekeer na die posisie van assistent-elektriese ingenieur by De Beers.[3]

Staalfabriek in Vanderbijlpark

Van 1931 tot 1935 is hy aangestel as hoof-elektriese ingenieur by Yskor. In 1935 het hy na die Union Corporation (UC) geskuif.[4] Hy is tydens sy tyd by UC aangestel in verskeie senior posisies, insluitend voorsitter van Kinross goudmyn, Bracken, Oos Geduld, Grootvlei, Leslie en ander goudmyne. Hy was besturende direkteur vanaf 1954 [5] en voorsitter van die UC van 1962 tot 1972, waarna hy afgetree het.[3][4]

Gedurende die Tweede Wêreldoorlog het Jan Smuts hom aangestel as Hoof van Tegniese Produksie aan die Direktoraat van Oorlogvoorrade.[6]

In 1962 is hy gesekondeer aan Sappi, waar hy instrumenteel was in die suksesvolle uitbreiding van hul bedrywighede.[3]

In 1963 is hy gesekondeer aan ESCOM (die voorganger van Eskom) waar hy tot 1969 gebly het.[7]

Vanaf 1 September 1964 het Stratten mynbedryf verteenwoordig by die Nasionale Finansieringskorporasie ('n voorganger van die Suid-Afrikaanse Reserwebank, 1949 tot 1984).[8][9]

Kamer van Mynbou, Johannesburg

Erkenning en lidmaatskappe
  • Stratten was 'n lid van die Suid-Afrikaanse Instituut vir Elektriese Ingenieurs (SAIEE)[3]
  • Hy was 'n geassosieerde lid van die Wetenskaplike en Tegniese Vereniging van Suid-Afrika.
  • Stratten was 'n lid van die eerste raad van die Wetenskaplike en Nywerheidnavorsingsraad (WNNR) in 1945.[10]
  • Stratten was 'n stigterslid van die Die Oppenheimer-herdenkingstrust.[1]
  • In 1964 het hy die Hendrik van der Bijl lesing aan die Suid-Afrikaanse Akademie vir Ingenieurswese aangebied as verteenwoordiger van die Kamer van Mynwese.[11]
  • In 1966 is hy 'n ere-doktorale graad in die Wet toegeken deur die Universiteit van die Witwatersrand by 'n spesiale gradeplegtigheid wat die 80ste herdenking van die stad Johannesburg en die 70ste herdenking van die Ou mynskool, Kimberley (voorganger van die Universiteit van die Witwatersrand) vier.[12]
  • Die Laerskool TP Stratten in Evander, Mpumalanga is vernoem na hom.
Die Randklub, Johannesburg

Persoonlike lewe

Stratten het in 1930 met Mary Adele Morris getrou en hulle het drie kinders gehad, Peter, Thomas en Mary. Hy was 'n lid van die Randklub van Johannesburg, die "Johannesburg Country Club" en die Koninklike Johannesburgse Gholfklub en het 'n huis in Westcliff, Johannesburg gehad.

Uitsig na die noorde vanaf die Westcliff hotel

Verwysings
  1. Thomas Stratten (Engels). Die Oppenheimer-herdenkingstrust (2019). URL besoek op 29 April 2019.
  2. Everrett, A (22 Februarie 1940). "Proceedings of the Three Hundred and Eighth General Meeting" (PDF). Transaction of the SAIEE (in Engels). XXXI (2). Besoek op 29 April 2019.
  3. Who's Who in Commerce and Industry (in Engels) (14 uitg.). Chicago: Marquis - Who's Who. 1965. p. 1273. Besoek op 29 April 2019.
  4. Die eerste 75 jaar 1897 - 1972 (Engels). Historiese Referate 27. Universiteit van die Witwatersrand. URL besoek op 29 April 2019.
  5. Die begraafplaas by Winkelhaak-myn (Engels). Erfenis-poort. URL besoek op 29 April 2019.
  6. Clark, N.L. (Januarie 1994). Manufacturing Apartheid: State Corporations in South Africa (PDF) (in Engels). New Haven and London: Yale University Press. p. 111. Besoek op 29 April 2019.
  7. 1969 Jaarlikse verslag (Engels). ESCOM (6 Mei 1970). URL besoek op 29 April 2019.
  8. Subsidiaries - South African Reserve Bank (Engels). Suid-Afrikaanse Reservebank (2019). URL besoek op 29 April 2019.
  9. South African Digest (in Engels). 28 Augustus 1964. p. 15. Besoek op 29 April 2019.
  10. Basson, Nicoline (1996). Passage to Progress | The CSIR's Journey Of Change 1945 - 1995 (PDF) (in Engels). Johannesburg: Jonathan Ball Publishers. p. 168. ISBN 1868420345. Geargiveer vanaf die oorspronklike (PDF) op 1 Mei 2019. Besoek op 29 April 2019.
  11. Previous Van der Bijl lectures (Engels). South African Academy of Engineering. URL besoek op 29 April 2019.
  12. Special Graduation Ceremony (Engels). Historiese Referate. Universiteit van die Witwatersrand (10 Augustus 1966). URL besoek op 29 April 2019.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.