The Comedy of Errors

The Comedy of Errors is 'n komiese toneelstuk deur William Shakespeare wat handel oor twee pare identiese tweelinge. Talle verwarrende en amusante situasies ontstaan omdat die karakters dink een van die tweeling is die ander.[1]

Robson & Crane in Shakespeare se "Comedy of Errors"; Metropolitan Litho. Studio, 1879

Dit is een van Shakespeare se eerste toneelstukke wat hy omstreeks 1592–1594 geskryf het. Dit is ook sy kortste toneelstuk, en die enige een wat die woord 'comedy' in die titel bevat. Hoewel dit vir die eerste keer in 1623 in die Eerste folio gepubliseer is, is dit reeds in op 28 Desember 1594 in The Gray's Inn opgevoer.

The Comedy of Errors in die Eerste folio van 1623.

Die verhaal is 'n aaneenryging van komiese misverstande toe twee pare identieke tweelinge, wat by geboorte per ongeluk van mekaar geskei is, mekaar weer na 'n lang tyd raakloop. Antipholus van Sirakuse en sy dienaar Dromio van Sirakuse kom in Efese aan, wat die tuiste van hulle tweelingbroers, Antipholus van Efese en sy dienaar Dromio van Efese, blyk te wees. Toe hulle hul broers se gesinne en vriende ontmoet, ontstaan 'n reeks ongelukke, die verkeerde een word gearresteer, asook beskuldigings van ontrou, diefstal, waansin en besetenheid.

André P. Brink het die drama in Afrikaans as Kinkels innie kabel verwerk. Die verwerking speel in 'n plaaslike milieu, naamlik die denkbeeldige vissersdorpie Witbaai naby Kaapstad af.[2]

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
  2. Brink, André P.: Kinkels innie kabel, Kaapstad: Buren-uitgewers, 1971, ISBN 978-0-86963-001-3
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.