Tex Watson

Charles Denton "Tex" Watson (gebore 2 Desember 1945) is 'n Amerikaanse moordenaar en was 'n hooflid van die Mansonbende, wat deur Charles Manson gelei is.[1] Op 9 Augustus 1969 het hy, Patricia Krenwinkel en Susan Atkins die swanger aktrise Sharon Tate en vier ander mense in Los Angeles vermoor. Die volgende nag het Watson na Los Feliz, Los Angeles, gery waar hy 'n medepligtige was in die moord van Leno en Rosemary LaBianca. Watson is aan moord skuldig bevind en het in 1971 die doodstraf gekry ná twee jaar in die tronk.[2]:xvii

Tex Watson
Gebore 02 Desember 1945 (1945-12-02)
Ander name Charles Denton Watson
(geboortenaam)
Misdaadbesonderhede
Misdaad Moord, sameswering
Beweging Mansonbende
Vonnisbesonderhede
Aangekeer 30 November 1969
Vonnisdatum 12 Oktober 1971
Vonnis Doodstraf, versag tot lewenslange tronkstraf
Status In tronk

Lewe

Watson is op 2 Desember 1945 in Dallas, Texas, gebore[3] as die jongste van drie kinders.[4] Hy was 'n erestudent, redakteur van die skoolkoerant en kaptein van die voetbalspan, en het as hoërskoolleerling 'n staatsrekord opgestel in hekkies.[4][5] In September 1964 het Watson aan die Universiteit van Noord-Texas begin studeer.[4]

Watson in 1971.

In Januarie 1967 het Watson 'n lugdiensbagasiehanteerder geword. Met gratis vliegkaartjies het hy 'n universiteitsmaat in Los Angeles besoek. Daar het hy geïnteresseerd geraak in the psigedeliese en musiekleefstyl van die laat 1960's. Hy het Dennis Wilson van The Beach Boys eendag opgelaai toe dié geryloop het en het hom na Wilson se huis geneem, waar hy vir die eerste keer aan die Mansonbende voorgestel is wat toe by Wilson gewoon het.

In Desember 1968 het Watson die Mansonbende verlaat. Hy het by 'n vrou ingetrek wat klein hoeveelhede dagga en LSD aan vriende verkoop het,[6] na bewering Rosina Kroner, en het haar minnaar geword. Hulle het twee maande lank 'n redelik normale lewe in Hollywood gelei, totdat Watson rusteloos geraak en weer by die Familie aangesluit het.[6]

Ná Manson se opdrag "om geld vir Helter Skelter te kry", het Watson geld van Kroner se vriend Bernard Crowe gesteel.[4] Crowe het die ranch gebel, met Charles Manson gepraat en vir hom gesê hy sal na die ranch kom en almal doodmaak as hy nie sy geld terugkry nie. In reaksie het Manson Crowe in die maag geskiet[7] met dieselfde pistool as wat Watson later in die Tate-moorde sou gebruik.[6]

Tate-LaBianca-moorde
Die hoofartikel vir hierdie afdeling is: Tate-LaBianca-moorde.

Tate-moorde

Op 9 Augustus 1969 het Watson as lid van die Mansonbende vir Susan Atkins, Linda Kasabian en Patricia Krenwinkel na die huis van Roman Polanski en Sharon Tate aangery. In die huis was Tate, Jay Sebring, Wojciech Frykowski en Abigail Folger. Hulle het al vier in die huis vermoor, asook Steven Parent in die oprit. Watson en sy medemoordenaar het Folger alleen 28 keer met 'n mes gesteek.[8] Tate, Sebring en Frykowski het ook almal talle steekwonde gehad. Sebring en Frykowski is ook geskiet.

LaBianca-moorde

Die volgende nag is Watson en ses ander na die huis van Leno en Rosemary LaBianca. Manson en Watson is saam in die huis in. Volgens Watson se boek Will You Die For Me?[6] het Manson die egpaar met 'n wapen gedreig terwyl Watson hulle vasgebind het. Manson het daarna na die motor teruggegaan en Krenwinkel en Van Houten na die huis gestuur. Watson, Krenwinkel en Van Houten het die egpaar toe vermoor.

Vonnis

Op 2 Oktober 1969 het Watson van die Spahn Ranch af gevlug na sy tuisstaat, Texas. Op 30 November 1969 is hy in Texas in hegtenis geneem vir die Tate-LaBianca-moorde. Hy en sy advokate het uitlewering aan Kalifornië nege maande lank probeer beveg. Toe hy in Kalifornië aankom, het hy ophou praat en eet. Hy het 25 kg verloor en in 'n toestand van spanningswaansin verval. Hy is vir 'n evaluasietydperk van 90 dae in die hospitaal opgeneem om te bepaal of hy geskik is om verhoor te word. Hy het tot Februarie 1971 daar gebly, totdat hy geskik verklaar is vir 'n verhoor.[2]:514–515

Op 12 Oktober 1971 is Watson skuldig bevind aan sewe aanklagte van moord en een van sameswering om moord te pleeg.[9] 'n Week later het dieselfde jurie binne twee en 'n half uur besluit hy is by sy volle verstand.[10] Op 21 Oktober 1971 is hy tot dood veroordeel. Die Kaliforniese hooggeregshof het egter in 1972 besluit die doodstraf is ongrondwetlik[2]:661–662 en sy vonnis is versag tot tronkstraf. Sy vonnisse vir die sewe moorde sou tegelykertyd uitgedien word.

In die tronk

Volgens sy gevangene-uitreikingswebtuiste het Watson hom in 1975 tot die Christendom bekeer.[11] Will You Die for Me?, Watson se outobiografie soos vertel aan Raymond "Chaplain Ray" Hoekstra, is in 1978 gepubliseer.[12]

In 1979 is hy met Kristin Joan Svege getroud. Deur huweliksbesoeke het hulle drie seuns en 'n dogter verwek, maar dié besoeke is in Oktober 1996 afgeskaf. Ná 'n huwelik van 24 jaar het Svege van Watson geskei nadat sy in 2003 'n ander man ontmoet het. Svege en Watson is steeds vriende. Hy is in 1981 tot 'n predikant gewy en het in 2009 'n graad in sakebestuur verwerf.[13][14]

Sedert 1976 is Watson 18 keer parool geweier, in Oktober 2021 vir 'n tydperk van vyf jaar.[15] In Augustus 1982 het 'n Suid-Kaliforniese groep, Citizens for Truth, sowat 80 000 handtekeninge en verskeie duisende briewe voorgelê wat Watson se parool teenstaan. Die groep is gesteun deur Doris Tate, die ma van die slagoffer Sharon Tate. In latere jare het die groep, saam met Doris Tate en haar dogters Patricia en Debra, petisies met meer as 2 miljoen handtekeninge voorgelê.[16][17]

Sien ook

Verwysings
  1. Linder, Doug (2014). "The Charles Manson (Tate–LaBianca Murder) Trial". University of Missouri–Kansas City School of Law. Geargiveer vanaf die oorspronklike op 3 Maart 2016.
  2. Bugliosi, Vincent; Gentry, Curt (1994) [1st pub. 1974]. Helter Skelter: The True Story of the Manson Murders. New York: W. W. Norton. ISBN 978-0-393-08700-0. LCCN 94-20957. OCLC 30624822. OL 1096365M. Geargiveer vanaf die oorspronklike op 15 Desember 2019. Besoek op 4 April 2016.
  3. Watson, Charles. "FAQs". Abounding Love Ministries. Besoek op 5 April 2022.{{cite web}}: AS1-onderhoud: url-status (link)
  4. Watson, Charles. "Will You Die For Me". Abounding Love Ministries. Geargiveer vanaf die oorspronklike op 5 April 2007. Besoek op 13 Julie 2019.
  5. Neiswender, Mary (13 Junie 1971). "'Tex' Watson, Honor Student, Athlete: Accused Mass Killer's Profile". cielodrive. Geargiveer vanaf die oorspronklike op 4 Augustus 2020. Besoek op 28 Februarie 2021.
  6. Watson, Charles; Hoekstra, Ray (1978). Will You Die For Me?. Geargiveer vanaf die oorspronklike op 5 April 2007. Besoek op 13 Julie 2019.
  7. Waxman, Olivia B. (26 Julie 2019). "Why Did the Manson Family Kill Sharon Tate? Here's the Story Charles Manson Told the Last Man Who Interviewed Him". Time magazine. Geargiveer vanaf die oorspronklike op 24 September 2020. Besoek op 5 Maart 2022.
  8. "Parole Hearing: Charles Manson 2012". www.cielodrive.com. Geargiveer vanaf die oorspronklike op 1 Februarie 2019. Besoek op 23 Junie 2017.
  9. "Charles 'Tex' Watson 1978 Parole Hearing Transcript". www.cielodrive.com. Geargiveer vanaf die oorspronklike op 7 Augustus 2017. Besoek op 23 Junie 2017.
  10. Watson, Charles. "Will You Die For Me". Abounding Love Ministries. p. 96. Geargiveer vanaf die oorspronklike op 5 April 2007. Besoek op 13 Julie 2019.
  11. Broughton, Ashley (30 Maart 2009). "Aging Manson 'Family' members long for freedom". CNN. Geargiveer vanaf die oorspronklike op 31 Maart 2009. Besoek op 31 Maart 2009.
  12. Library of Congress catalog record on Will you die for me?. F. H. Revell. 1978. ISBN 9780800709129. Geargiveer vanaf die oorspronklike op 19 Augustus 2021. Besoek op 9 November 2009.
  13. Parole Board Hearing Transcript 2011.
  14. Watson, Charles. "About Charles". Aboundinglove.org. Abounding Love Ministries. Geargiveer vanaf die oorspronklike op 4 Maart 2016. Besoek op 25 Februarie 2016.
  15. Hamilton, Matt (16 Oktober 2021). "Manson follower Tex Watson denied parole for Tate/La Bianca killings". The Mercury News. Geargiveer vanaf die oorspronklike op 19 Oktober 2021. Besoek op 5 Maart 2022.
  16. Childress, Deirdre M. (30 April 1984). "Slain actress Sharon Tate's mother – with tears rolling..." upi.com. UPI. Geargiveer vanaf die oorspronklike op 19 Augustus 2021. Besoek op 9 Maart 2019.
  17. Mancino, John (20 November 2017). "The Charles Manson legacy: Leslie Van Houten". speroforum.com. Geargiveer vanaf die oorspronklike op 4 Februarie 2018.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.