Termodinamiese ewewig

In termodinamika, is termodinamiese ewewig die toestand van 'n termodinamiese stelsel wanneer termiese ewewig, meganiese ewewig, stralingsewewig, en chemiese ewewig bereik word. Klassieke termodinamika handel oor die dinamiese ewewigstoestande. Die plaaslike toestand van 'n stelsel by termodinamiese ewewig word bepaal deur die waardes van die intensiewe parameters, soos druk, temperatuur, ensovoorts. Termodinamiese ewewig word spesifiek deur die minimum termodinamiese potensiaal gekenmerk, soos die Helmholtz vrye energie, d.i. die stelsel teen 'n konstante temperatuur en volume:

A = U - TS;

of met die Gibbs vrye energie, d.i. die stelsel teen 'n konstante druk en temperatuur:

G = H - TS.