Tempe

Tempe is ‘n noordelike woonbuurt van Bloemfontein.

Dit huisves ‘n groot militêre basis met ‘n lughawe bestaande uit twee geteerde aanloopbane en is veral bekend om die opleiding van valskermsoldate. Tot einde Oktoeber 1964 was dit Bloemfontein se lughawe. Op die basis is die Hoërskool Rosenhof en ‘n gholfbaan.

Tydens die Tweede Vryheidsoorlog is ‘n deel van die plaas Boven Tempe aan die Britse troepe beskikbaar gestel. Na Uniewording het dit ‘n militêre kamp gebly.

Tempe is ‘n naam wat aan die klassieke mitologie ontleen is. Die Tempedal is ‘n kloof in Thessalië in Griekeland.