Teenpous Christoforus

Christoforus[1][2]was 'n teenpous tydens die pontifikaat van Pous Leo V vir 'n kort tydjie van Oktober 903 tot ongeveer Januarie 904. Sy legitimiteit is omstrede maar hy is wel vir 'n lang tyd as wettige pous opgeneem in die amptelike lys die “Annuario Pontificio” en die Liber Pontificalis.[3]

Teenpous Christoforus
Teenpous Christoforus
Teenpous Christoforus
Teenpous van Pous Leo V
Begin van pontifikaat Oktober 903
Einde van pontifikaat Januarie 904

Christoforus was 'n kardinaal-priester van St. Lorenzo in Damaso.[4] Hy het pous geword deur sy voorganger Pous Leo V af te set. Pous Leo is gevange geneem en is kort daarna oorlede. Na die dood van Leo word Christoforus as die wettige pous beskou. Daar word ook melding gemaak van 'n verkiesing terwyl Leo nog geleef het.

In die begin van die 10de eeu was Rome nie 'n rustige plek nie. Daar was wyd verspreide korrupsie en alliansies was baie onstabiel. Christoforus word al na omtrent drie maande verdryf en Pous Sergius III volg hom op.

Verder is nie veel bekend oor die res van sy lewe nie. Party bronne sê hy is gevange gehou in dieselfde gevangenis as Leo V en daar vermoor is [5]ander bronne vermeld 'n “godsdienstige lewe” as monnik.[6]

Verwysings
  1. Christopher. (2008). Encyclopædia Britannica. Deluxe Edition. Chicago: Encyclopædia Britannica.
  2. Mann, H. (1908). Pope Christopher. In The Catholic Encyclopedia. New York: Robert Appleton Company. Retrieved May 11, 2014 from New Advent: http://www.newadvent.org/cathen/03729a.htm
  3. Liber Pontificalis, II, ed. Duchesne;
  4. Miranda, S., The Cardinals of the Holy Roman Church. http://www2.fiu.edu/~mirandas/bios900.htm#Cristoforo Geargiveer 7 Oktober 2012 op Wayback Machine
  5. Ernst Dümmler, Auxilius und Vulgarius (Leipzig, 1866), 160, 135.
  6. Chronicle of Hermannus Contractus, ad an. 904.
Hierdie artikel is in sy geheel of gedeeltelik vanuit die Nederlandse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.