Tafelberg- Nasionale Park

Tafelberg- Nasionale Park
	Tafelberg van die hange van Leeukop gesien.
Land	Suid-Afrika
Provinsie	Wes-Kaap
Naaste dorp	Kaapstad
	; Tafelberg- Nasionale Park
Koördinate: 33°58′0″S 18°25′30″O
Oppervlak	25 000 ha
Openingsjaar	1998
Bestuursliggaam	SANParke
Webblad	Tafelberg- Nasionale Park

Die Tafelberg- Nasionale Park is 'n natuurreservaat op die Kaapse Skiereiland by Kaapstad, Suid-Afrika.

Ingang na Tafelberg NP by Kaap die Goeie Hoop

Ingang na Tafelberg NP by Boulders

Die park wat in 1998 gestig is, beslaan die Tafelberg-bergreeks, wat van Seinheuwel in die noorde strek tot by Kaappunt, en die see en kus van die skiereiland. Die nou stukkie land word omsluit deur die Atlantiese Oseaan aan die westekant en die warmer Valsbaai aan die oostekant. Die park is ryk aan plant- en dierelewe insluitend die Kaapse fynbos. Die park is uniek in die sin dat dit geheel en al in 'n stedelike gebied geleë is. Dit is ook ryk aan historiese en kultuurskatte.

Die park is grotendeels vrylik toeganklik en toegangsfooie is slegs op drie plekke betaalbaar, naamlik by Kaap die Goeie Hoop, Boulders en Silwermyn.

Die park beslaan 25 000 hektaar en daar word beoog om nog 5 000 hektaar by die park te voeg. Tydens die vestiging daarvan is die park gefinansier deur die Global Environmental Facility (GEF) in Washington wat betaal het vir vestiging van die park en die uitroei van uitheemse indringerplante. 'n Ander bron van finansiering was die Franse Fonds français pour l'environnement mondial (FFEM). Die park word verder uitgebrei en onderhou uit fondse van die Uitgebreide Openbare Werke-program van die Departement van Omgewingsake en Toerisme en indringerplante word uitgeroei deur die Werk vir Water-program van die Departement van Waterwese en Bosbou.

Geskiedenis

Die Tafelberg- Nasionale Park, wat in 1998 gestig is, het voor 2004 bekend gestaan as die Kaapse Skiereiland Natuurreservaat[1]

Die park is as deel van die Kaapse Blommeryk in 2004 deur die Verenigde Nasies se Opvoedkundige, Wetenskaplike en Kulturele Organisasie (Unesco) tot 'n wêrelderfenisgebied verklaar.[2]

Die aangrensende mariene- en kusgebiede is in 2004 verklaar tot die Tafelberg Mariene-bewaringsgebied (Table Mountain Marine Protected Area {en})[1]

Fauna

Aronskelkrietpadda

Sien ook

Wêrelderfenisgebiede in Suid-Afrika

Eksterne skakels

(en:) Tafelberg- Nasionale Park op SANParke se amptelike webblad
Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.

Verwysings

Table Mountain National Park Management Plan, March 2008, page 14 (en) , Besoek op 31 Mei 2012
UNESCO World Heritage List, Cape Floral Region Protected Areas (en) , Besoek op 31 Mei 2012

	Provinsie Wes-Kaap
Hoofstad:	Kaapstad
Streke:	Kaapse Skiereiland \| Kaapse Wynlande \| Sentraal Karoo \| Overberg \| Tuinroete \| Weskus
Grootste stede en dorpe:	Kaapstad \| George \| Mosselbaai \| Knysna \| Oudtshoorn \| Paarl \| Robertson \| Stellenbosch \| Swellendam \| Vredenburg \| Worcester
Munisipaliteite:	Beaufort-Wes \| Bergrivier \| Bitou \| Breedevallei \| Kaap Agulhas \| Cederberg \| Drakenstein \| George \| Hessequa \| Kaapstad \| Kannaland \| Knysna \| Laingsburg \| Langeberg \| Matzikama \| Mosselbaai \| Oudtshoorn \| Overberg \| Overstrand \| Prins Albert \| Saldanhabaai \| Sentraal Karoo \| Stellenbosch \| Swartland \| Swellendam \| Theewaterskloof \| Tuinroete \| Weskus \| Witzenberg

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[sanparks_1-1] Table Mountain National Park Management Plan, March 2008, page 14 (en) , Besoek op 31 Mei 2012

[2] UNESCO World Heritage List, Cape Floral Region Protected Areas (en) , Besoek op 31 Mei 2012