Taeniodonta

Taeniodonta is 'n uitgestorwe suborde van die soogdiere.

Taeniodonta
Tydperk: Laat Jura–Holoseen, Laat Kryt–Laat Eoseen
Wetenskaplike klassifikasie e
Domein: Eukaryota
Koninkryk: Animalia
Filum: Chordata
Klas: Mammalia
Orde: †Cimolesta
Suborde: †Taeniodonta
Families
  • Conoryctidae
  • Stylinodontidae

Fossiele van hierdie groep word in die Laat Kryt en Paleogeen (Laat Eoseen) van Noord-Amerika gevind. Die vroegste een wat gevind is, is Schowalteria van die Laat Kryt in Alberta, Kanada. Die laaste een is Stylinodon uit die Eoseen. Die Taeniodonta was een die eerste groepe wat in die Paleoseen groot vorms opgelewer het. Daar is twee families:

  • Conoryctidae: Onychodectes, Conoryctes, Conoryctella, Huerfanodon
  • Stylinodontidae: Wortmania, Schochia, Psittacotherium, Ectoganus, Stylinodon

Die Stylinidontidae was groter as die Conoryctidae: so groot as 'n vark of selfs 'n beer. Hulle het groot slagtande en sterk kloue gehad en dalk na wortels gegrawe. Die Conoryctidae was primitiewer en dalk insektivoor of omnivoor.

Taksonomie

'n Kladistiese ontleding deur Weinstein (2009) [1] toon dat die Taeniodonta 'n monofiletiese groep is wat uit die Cimolesta voortgekom het. Die posisie teenoor die huidige soogdiere (die kroon-plasentale) is minder duidelik.

Die Taeniodonta ontbeer sinapomorfieë wat die kroongroepe kenmerk.

Eutheria

kroongroepe ? Laurasiatheria?


Cimolesta

Cimolestes


Taeniodonta

Conoryctidae

Stylinidontidae





Verwysings
  1. Phylogeny and Relationships of Taeniodonta, an Enigmatic Order of Eutherian Mammals (Paleogene, North America) Proefskrif Deborah Lynn Weinstein Ohio State 2009
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.