Table View
Table View is 'n groot voorstad van Kaapstad, wat strek vanaf die Rietvleidam weswaarts.
Table View | |
|---|---|
Voorstad | |
 Die Tafelberg soos gesien vanaf Table View | |
  Table View | |
| Koördinate: 33°49′0″S 18°29′0″O | |
| Land |  Suid-Afrika |
| Provinsie | Wes-Kaap |
| Metropolitaanse Munisipaliteit | Kaapstad |
| Oppervlak | |
| • Totaal | 6,14 km2 (2,37 vk. myl) |
| Bevolking | |
| • Totaal | 17 390 |
| • Digtheid | 2 800/km2 (7 000/vk. myl) |
| Tydsone | UTC+2 (SAST) |
| Poskode | 7439 (Busse) 7441 (Strate) |
| Skakelkodes | 021 |
Een van die VOC se buiteposte aan die Kaap, die Rietvlei-buitepos, was vermoedelik op die terrein wat nou bebou is. Dié buitepos het reeds teen 1676 bestaan. Die Rietvlei-buitepos is van 1768 tot 1791 ook gebruik as 'n private melkery vir die Kaapse goewerneurs. Die held Wolraad Woltemade het daar gewerk.
Die maatskappy Table View Township, oorspronklik ingelyf op 3 Oktober 1942, was die aanvanklike ontwikkelaar. Die maatskappy is op 5 Augustus 1959 oorgekoop deur die maatskappy Milnerton Estates.
Sedertdien het Table View baie vinnig gegroei en die gebied sluit in buurte soos Bloubergrant, 'n bekende toeriste-area met baie restaurante en besighede in die vermaaklikheidsbedryf, die Flamingovlei-area langs die Rietvleireservaat met 'n groot verskeidenheid voëllewe, West Beach, Sunridge, Blouberg Sands, Parklands, Sunningdale en West Riding.
Eksterne skakels
- Die webtuiste van Table View Geargiveer 16 Februarie 2007 op Wayback Machine