Taalvulkaan

Die Taalvulkaan (Tagalog: Bulkang Taal) is 'n kaldera in die Filippyne wat met die Taalmeer gevul is.[1] Dit is in die provinsie Batangas geleë en is een van die aktiefste vulkane in die land, met 34 aangetekende uitbarstings in die geskiedenis waarvan almal op Vulkaaneiland, naby die middel van die Taalmeer, gekonsentreer was.[2] Die kaldera is gevorm deur prehistoriese uitbarstings tussen 140000 en 5380 v.C.[3][4]

Taalvulkaan
Bulkang Taal
'n Lugfoto van Vulkaaneiland binne-in die Taalvulkaan (2012). Noord is aan die regterkant. 'n Lugfoto van Vulkaaneiland binne-in die Taalvulkaan (2012). Noord is aan die regterkant.
Ligging Filippyne
Hoogte 311[1] meter bo seevlak
Koördinate 14°0′36″N 120°59′51″O
Bergtipe Kaldera[1]
Laaste uitbarsting 9 Julie 2021
Ligging van Taalvulkaan Bulkang Taal op 'n kaart (Filippyne)
Taalvulkaan Bulkang Taal
Taalvulkaan
Bulkang Taal
Ligging in die Filippyne.

Die vulkaan lê sowat 50 km suid van Manila, die Filippynse hoofstad.

Die Taalvulkaan het al verskeie gewelddadige uitbarstings gehad wat sterfgevalle op die eiland en in die dig bevolkte gebiede om die vulkaan tot gevolg gehad het. Altesaam sowat 6 000 mense het al gesterf. Vanweë sy nabyheid aan dig bevolkte gebiede en sy geskiedenis van uitbarstings is die Taalvulkaan aangewys as een van die 16 Dekadevulkane, wat naby ondersoek word om toekomstige rampe minder ernstig te maak. Alle vulkane in die Filippyne is deel van die Ring van Vuur.

Taal is 'n woord in 'n Tagalog-dialek wat beteken "waar", "werklik" en "suiwer".[5]

Verwysings
  1. "Taal". Global Volcanism Program. Smithsonian-instituut. Besoek op 13 Februarie 2013.
  2. Alvaro Limos, Mario (21 Januarie 2020). "We Should Stop Calling Taal the World's Smallest Volcano". Esquiremag.ph. Besoek op 30 Julie 2021.
  3. "Taal Volcano". Philippine Institute of Volcanology and Seismology (in Engels). Geargiveer vanaf die oorspronklike op 12 September 2008. Besoek op 3 Desember 2012.
  4. Delos Reyes, Perla J.; Bornas, Ma. Antonia V.; Dominey-Howes, Dale; Pidlaoan, Abigail C.; Magill, Christina R.; Solidum, Renato U., Jr. (2018). "A synthesis and review of historical eruptions at Taal Volcano, Southern Luzon, Philippines". Earth-Science Reviews (in Engels). 177: 565–588. Bibcode:2018ESRv..177..565D. doi:10.1016/j.earscirev.2017.11.014.{{cite journal}}: AS1-onderhoud: meer as een naam (link)
  5. Pulta, Benjamin (15 Januarie 2020). "Beneath the Ashes: Uncovering Taal's Rich History". Philippine News Agency (in Engels). Geargiveer vanaf die oorspronklike op 7 Julie 2021. Besoek op 17 Februarie 2021.

Skakels
Kaart van die 16 Dekadevulkane.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.