TSV Germania Windeck

TSV Germania Windeck is 'n sportklub uit Windeck in die deelstaat Noord-Rynland-Wesfale in Duitsland, veral bekend vir sy sokkerafdeling.

TSV Germania Windeck

Volledige naam	Turn- und Sportverein Germania Windeck e.V.
Stigtingsdatum	1910
Tuisveld	Germania Sportpark, Windeck
Kapasiteit	1 000
Kompetisie	Oberliga Noord-Ryn

Die klub het in 2009 ontstaan met die samesmelting van FC Germania Dattenfeld, 1. Windeck FC en TSV Dreisel. Laasgenoemde twee klubs is beide in 1919 gestig en het altyd in die laer ligas meegeding. FC Germania Dattenfeld is in 1910 gestig en het die grootste deel van sy geskiedenis in die laer ligas deurgebring. Aan die begin van die 1990’s het dit nog op die laagste vlak in die Kreisliga C meegeding, toe die klub se fortuin begin verander het met die toetrede van 'n nuwe hoofborg. Dit het die eerste keer in 1999 op die Duitse sokkerradar verskyn met 'n promosie na die Landesliga. In 2001 is daar na die Verbandsliga gepromoveer en in 2007 het die klub sy grootste prestasie behaal deur na die Oberliga promosie te kry. Behalwe sokker, het die klub ook afdelings vir judo, tennis, gimnastiek en vlugbal.