Swartkopreier
Die Swartkopreier (Ardea melanocephala) is 'n reier wat algemeen deur die Sub-Sahara en Madagaskar voorkom. Die voël is 'n algemene standvoël en plaaslike nomade in grasveld, landerye en bossieveld. Dit leef ook in vleioewers maar jag selde in water. In Engels staan die voël bekend as die Black-headed heron.
| Swartkopreier | |
|---|---|
 | |
| Roepe by 'n broeikolonie | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Ardea |
| Spesie: | A. melanocephala |
| Binomiale naam | |
| Ardea melanocephala | |
 | |
| verspreiding | |
Identifikasie
Die reier is 86 tot 94 cm lank en weeg 1.2 tot 1.9 kg. Die voël is groot en grys. Dit is effens kleiner as die bloureier. Die slagvere en ligter onderdekvere is kontrasterend donker tydens vlug. Die kroon en agternek is swart terwyl die keel wit is. Die borskant is grys en die bene swart. Die jong voël het 'n leikleurige kroon en agternek terwyl die voornek dofgeel getint is. Die borskant is ligter.
Die reier broei koloniaal saam (tot 50 pare) en soms ook saam met ander reiers, witreiers, duikers en ibisse.
Fotogalery
.jpg.webp)
Volwassene in vlug, Marievale, Gauteng
Die versamel van nesmateriaal..jpg.webp)
Volwassene te Marievale, Gauteng
Volwassene, geskilder deur Louis Agassiz Fuertes.
Sien ook
Bron
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1