Sukovs

Die Streeksraad vir die Uitvoerende Kunste van die Oranje-Vrystaat (afgekort as Sukovs of SUKOVS) is in 1963 gestig nadat die Nasionale Teaterorganisasie ontbind en deur vier provinsiale kunsterade vervang is.[1] Die doel was om die uitvoerende kunste in die Vrystaat te bevorder. Die raad het ’n subsidie van die staat gekry om verskillende kunsvorms aan te bied en ’n teater te bedryf.

In 1999 is die raad se naam verander na die Performing Arts Centre of the Free State (afgekort as Pacofs of PACOFS).[2] Die ou Engelse naam was die Performing Arts Council of the Orange Free State. Die Sand du Plessis-teaterkompleks in Markgraaffstraat, Bloemfontein, is Pacofs se tuiste. Dit is ’n groot veeldoelige sentrum wat op 1 Augustus 1985 geopen is[3]

Verwysings
  1. Kruik, The Encyclopaedia of South African Theatre, Film, Media and Performance URL besoek op 1 Maart 2013
  2. Geen Afrikaner in nuwe Pacofs-raad opgeneem nie, Volksblad, 10 April 1999 URL besoek op 2 Maart 2013
  3. Sand du Plessis, The Encyclopaedia of South African Theatre, Film, Media and Performance URL besoek op 1 Maart 2013
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.