Suidwes-Finland

Suidwes-Finland (Fins: Varsinais-Suomi, Sweeds: Egentliga Finland, letterlik Eintlike Finland) is 'n administratiewe streek in Finland wat op die suidweskus van die land geleë is. Die streek word begrens deur Satakunta in die noorde, Pirkanmaa in die noordooste, Kanta-Häme in die ooste, Uusimaa in die suidooste en die outonome eilandgroep van Åland in die suidweste.

Kaart.

Suidwes-Finland beslaan 'n landoppervlakte van 10 910 km² en het 'n bevolking van 478 775 in 2019 gehad.[1] Die streek het 27 munisipaliteite waarvan elf stadstatus het. Die grootste stad en administratiewe hoofstad van die streek is Turku (Sweeds: Åbo) wat ook die oudste stad in Finland is.

Verwysings
  1. (fi) "Väestörakenteen ennakkotiedot muuttujina Kuukausi, Alue, Sukupuoli, Ikä ja Tiedot". Tilastokeskus. 25 Julie 2019. Geargiveer vanaf die oorspronklike op 14 Desember 2020. Besoek op 4 September 2019.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.