Steekproef

’n Steekproef is ’n stel data wat uit ’n klein groepie gekry word om ’n aanduiding te kry van eienskappe of tendense in ’n groter groep, die populasie.

’n Voorstelling van die kies van mense vir ’n steekproef.

Die populasie, of geheel, is gewoonlik baie groot en dit maak dit onmoontlik of onprakties om die data uit die hele populasie te kry. Die steekproef word gedoen onder ’n kleiner groep, wat makliker hanteerbaar is. Die eienskappe of parameters van die populasie word dan afgelei van die steekproefstatistieke.

Die beste steekproef is een waar die individue lukraak gekies word sodat die resultate onpartydig kan wees.[1] ’n Onpartydige steekproef word gedefinieer as een waar elke individuele lid van die populasie ’n bekende kans groter as nul het om vir die steekproef gekies te word.[2] As mans van ’n kiesersrol byvoorbeeld gekies word om ’n steekproef onder Australiese mans langer as twee meter te neem, kan dit dalk partydige resultate lewer omdat mans jonger as 18 nie verteenwoordig sal word nie. So ’n steekproef moet liefs vermy word.

Verwysings
  1. Lomax, R. G. and Hahs-Vaughan, Debbie L. An introduction to statistical concepts (3de uitg.)
  2. Cochran, William G. (1977). Sampling techniques (3de uitg.). Wiley. ISBN 978-0-471-16240-7.

Bronne
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.