Stan Christodoulou

Stan Christodoulou (Grieks: Χριστοδούλου * 31 Januarie 1946 − ) is 'n Suid-Afrikaanse boksskeidsregter en -beoordelaar. Hy was wêreldwyd reeds by meer as 7 500 boksgevegte betrokke.[1] Hy het sy boksloopbaan in 1963 begin en sy eerste wêreldtitel-boksgeveg in 1973 beoordeel, toe Romeo Anaya en Arnold Taylor vir die wêreld-bantamgewigtitel geveg het.[2]

Stanley Christodoulou
Gebore31 Januarie 1946 (1946-01-31)
Johannesburg
NasionaliteitSuid-Afrika
BeroepBoksskeidsregter en -beoordelaar
Bekend virEerste skeidsregter om al die gewigskategorieë te beoordeel

Christodoulou is op 13 Junie 2004 in Canastota, New York in die Internasionale Heldesaal vir Boksers vereer. Hy was die eerste man wat wêreldtitelgevegte in al 17 gewigskategorieë beoordeel het, en die derde om 100 wêreldtitelgevegte te beheer. Christodoulou het as uitvoerende direkteur van die Suid-Afrikaanse Beheerraad vir Boks gedien en is twee keer as Suid-Afrikaanse Boks se "Man van die Jaar" benoem.

Van die noemenswaardige gevegte waarin hy as skeidsregter opgetree het, is:

  • Thomas Hearns teen Pipino Cuevas
  • Aaron Pryor teen Alexis Argüello (eerste geveg)
  • Marvin Hagler teen Roberto Durán

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Christodoulou in the International Boxing Hall of Fame". Geargiveer vanaf die oorspronklike op 30 Desember 2008. Besoek op 6 Julie 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.