Stad Tshwane Metropolitaanse Munisipaliteit
Tshwane is vanaf 5 Desember 2000 'n metropolitaanse gebied in Gautengprovinsie, Suid-Afrika, wat die stad Pretoria insluit.
| |||
.svg.png.webp) | |||
| Provinsie | Gauteng | ||
| Tipe | Metropolitaanse Munisipaliteit | ||
| Munisipale kode | TSH | ||
| Plaaslike munisipaliteite | Geen | ||
| Hoofstad | Pretoria | ||
| Burgemeester | Vakant | ||
| Grootste tale | Afrikaans, Engels, Noord-Sotho, Tswana, Tsonga | ||
| Oppervlakte | 6 298 km² | ||
| Bevolking | 2 921 488 (2011) | ||
Dit bestaan uit 13 voormalige stads- en dorpsrade, en word bestuur deur 'n besturendeburgemeesterstelsel. Die munisipale gebied beslaan 6 298 km2, en het 'n bevolking van nagenoeg 2,364 miljoen mense.
Die naam is afkomstig van die oorspronklike naam wat deur die eerste Ngunisprekende nedersetters (wat later as die Ndebele bekend was) aan die rivier gegee is wat deur die area vloei. Hulle het dit vernoem na een van hulle stamhoofde, Tshwane, vanaf die Ndebelewoord vir "klein aap".
Die naam Tshwane word soms ook gebruik as 'n alternatiewe naam vir die stad Pretoria self, alhoewel Pretoria nog nie teen 2017 hernoem is nie.
Areas
Tshwane bestaan uit die volgende areas:
- Ga-Rankuwa (Gestig in 1961 na geforseerde verskuiwings binne die area. Dit is vernoem na een van die Bakgatla hoofmanne, Rankuwa Boikhutso.)
- Centurion (voorheen Verwoerdburg), insluitend Laudium en Olievenhoutbosch.
- Temba (Gestig in 1940 na gedwonge verskuiwings.)
- Mabopane (Gestig in 1969.)
- Winterveld
- Die gebied van die Noordelike Pretoria Metropolitaanse Substruktuur. Hierdie gebied sluit die nywerheidsgebied bekend as Rosslyn in, Akasia, sowel as die township Soshanguve, wat gestig is om nie-Tswana-sprekende mense te huisves ná Bophuthatswana 'n onafhanklike tuisland geword het. (Soshanguve is 'n nuutskepping wat die township se uiteenlopende karakter weerspieël: Sotho, Shangaan, Nguni (Swazi, Zulu, Xhosa) en Venda.)
- Pretoria
- Pienaarsrivier (Hierdie is die kleinste van Tshwane se voormalige rade.)
- Krokodilrivier (Hierdie gebied strek van Rosslyn/Ga-Rankuwa in die noorde tot by Lanseria in die suide, en van die westelike kant van Pretoria na die Hartbeespoortdam.)
- Die gebied was voorheen bekend as die Greater Pretoria Metropolitan Council. Hierdie raad was een van die vier plaaslike owerhede in Gauteng, en het bestaan uit drie plaaslike rade: die Stadsraad van Pretoria, die Raad van Centurion en die Noordelike Pretoria Metropolitaanse Substruktuur.
- Cullinan en Rayton
- Wallmannsthal
- Hammanskraal
Setels
| Party | 2000 | 2006 | 2011 | 2016[1] |
|---|---|---|---|---|
| African National Congress | 86 | 87 | 118 | 89 |
| Demokratiese Alliansie | 54 | 47 | 82 | 93 |
| Ekonomiese Vryheidsvegters | - | - | - | 25 |
| Vryheidsfront Plus | 0 | 7 | 4 | 4 |
| Afrika Christen Demokratiese Party | 3 | 3 | 1 | 1 |
| Pan Africanist Congress of Azania | 2 | 2 | 1 | 1 |
| Vision 2000+ | 2 | 0 | 0 | 0 |
| United Christian Democratic Party | 1 | 1 | 0 | 0 |
| Inkatha-Vryheidsparty | 1 | 1 | 0 | 0 |
| Azanian People's Organisation | 0 | 1 | 1 | 0 |
| Congress of the People | 0 | 0 | 2 | 1 |
| Onafhanklik | 1 | 0 | 0 | 0 |
| United Democratic Movement | 1 | 0 | 0 | 0 |
| ASCORA | 1 | 0 | 0 | 0 |
| Onafhanklike Demokrate | 0 | 1 | 0 | 0 |
| African Christian Alliance | 0 | 1 | 0 | 0 |
| Christen Demokratiese Party | 0 | 1 | 0 | 0 |
| Christen Protestante Party van Suider-Afrika | 0 | 0 | 0 | 0 |
| African People's Convention | 0 | 0 | 0 | 0 |
Verwysings
- (en) "Seat Calculation Detail: Local Government Election 2016: Gauteng: TSH – Tshwane Metro" (PDF). Independent Electoral Commission. 11 Augustus 2016. Geargiveer (PDF) vanaf die oorspronklike op 13 Junie 2019. Besoek op 12 April 2018.
.svg.png.webp)
