Staatsdoema

Die Staatsdoema (Russies: Госуда́рственная ду́ма, Gosoedarstwennaja doema, of afgekort as Госду́ма, Gosdoema) in Rusland is die laerhuis van die Federale Vergadering. Die hoërhuis is die Federasieraad van Rusland. Die Staatsdoema se hoofkwartier is in Moskou en sy lede word afgevaardigdes genoem. Dit het die Opperste Sowjet van die Sowjetunie vervang kragtens die nuwe grondwet deur die land se eerste president, Boris Jeltsin.