Staat van inperking

'n Staat van inperking, ook informeel 'n grendeltoestand genoem, is 'n noodtoestand wat verhoed dat mense of inligting 'n gebied verlaat. Die opdrag daarvoor kan gewoonlik net deur iemand in 'n gesagsposisie gegee word.

'n Straat wat afgesper is tydens 'n grendeltoestand weens die COVID-19-uitbraak in Bhopal, Indië gedurende April 2020

In Suid-Afrika

Tydens die koronaviruspandemie in Suid-Afrika het die president, Cyril Ramaphosa, op 23 Maart 2020, 'n staat van inperking vir Suid-Afrika aangekondig. Dit het amptelik op 27 Maart 2020 om 00:00 begin. Op daardie stadium het nog niemand in die land weens die virus gesterf nie, maar later die dag is berig dat die eerste persoon op 27 Maart 2020 in die Wes-Kaap oorlede is.

Die nasionale staat van inperking in Suid-Afrika is later tot 30 April 2020 verleng.[1] Op 23 April het president Ramaphosa aangekondig dat daar 'n geleidelike afskaling van die staat van inperking sou plaasvind, wat die nasionale waarskuwingsvlak van 1 Mei 2020 af tot vlak 4 sou verlaag,[2] en later tot waarskuwingsvlak 3 op 1 Junie 2020. Die staat van inperking is op 18 Augustus 2020 tot waarskuwingsvlak 2 verlaag.

Verwysings
  1. "WATCH LIVE: Ramaphosa extends Covid-19 lockdown by 14 days". The Citizen. 9 April 2020. Besoek op 9 April 2020.
  2. "Statement by president Cyril Ramaphosa on South Africa's response to the coronavirus pandemic, Union buildings, Tshwane". SA Corona Virus Online Portal. 23 April 2020. Besoek op 23 April 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.