Spoetnik 6

Spoetnik 6, Korabl-Spoetnik 3 (Russies: Корабль-Спутник-3 of Skipsatelliet-3) of Wostok-1K No. 3 was ’n Sowjet-ruimtetuig wat in 1960 gelanseer is. Dit was ’n toetsvlug vir die Wostok-ruimtetuig en het twee honde bevat, Ptsjolka en Moesjka (die Russiese verkleinwoorde van "by" en "vlieg" onderskeidelik), sowel as ’n televisiekamera en wetenskapinstrumente.

Spoetnik 6 is op 1 Desember 1960 van Terrein No. 1 by die 5de Tjoeratam-lanseersentrum (nou Baikonoer) in die Kazachstanse Sosialistiese Sowjetrepubliek gelanseer vooraan ’n Wostok-L-lanseervuurpyl.[1] Dit is in ’n lae wentelbaan om die aarde geplaas. Die vlug het ’n dag geduur, waarna dit op 2 Desember weens ’n tegniese fout in die atmosfeer gedisintegreer het.[2]

Verwysings
  1. McDowell, Jonathan. "Launch Log". Jonathan's Space Page. Geargiveer vanaf die oorspronklike op 24 Oktober 2019. Besoek op 27 Julie 2010.
  2. Wade, Mark. "Vostok" (in Engels). Encyclopedia Astronautica. Geargiveer vanaf die oorspronklike op 11 Mei 2017. Besoek op 27 Julie 2010.

Hierdie artikel is vertaal vanuit die Engelse Wikipedia

Spoetnik-program
Spoetnik 1 • Spoetnik 2 • Spoetnik 3 • Spoetnik 4 • Spoetnik 5 • Spoetnik 6 • Spoetnik 7
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.