Spanbandbrug

'n Spanbandbrug is 'n gespande struktuur (in baie opsigte soortgelyk aan 'n eenvoudige hangbrug) waarin die pad 'n kettinglyn tussen ondersteuningspunte vorm. Anders as in die eenvoudige hangbrug se geval, is die band saamgepers wat bydra tot die stewigheid van die struktuur (eenvoudige hangbrûe is geneig om te swaai en wip). Die steunpunte ondersteun op hulle beurt opwaartsstotende boë wat toelaat dat die helling tussen vakke verander kan word (waar veelvuldige vakke gebruik word). Sulke brûe word tipies van beton, wat deur gespande staalkabels versterk is, gemaak. Waar sulke brûe motorverkeer dra, is 'n sekere stewigheidsgraad nodig om oormatige buiging van die struktuur te verhoed. Dit word verkry deur die beton tydens samepersing voor te span.

Spanbandbrug
Die Essing-voetgangerspanbandbrug
Voorganger	Eenvoudige hangbrug
Verwante	Hangbrug
Uitvloeisels	Geen
Dra	Voetgangers, motors, vragmotors
Spanwydte	Medium
Materiaal	Staalkabel, beton of behandelde hout
Beweegbaar	Nee
Ontwerpsintensiteit	Medium
Stutwerk benodig	Nee

Die Maldonadobrug in Maldonado, Uruguay is deur die ingenieur Leonel Viera (1913-1975) opgerig om die Punta del Este te oorspan. Nadat die hoofkabels in plek gestel is, is betonteëls gelê om die aanvanklike struktuur te voltooi. Die kabels is daarna voorgespan deur sandsakke op die teëls te plaas, gevolg deur 'n finale betonwerk. Verwydering van die sandsakke druk die betonstruktuur dan saam wat die stewigheid en duursaamheid van die struktuur verbeter wanneer dit belas word. 'n Identiese brug is later parallel aan die eerste opgerig.