Sondagsrivier
Die Sondagsrivier (Engels: Sundays River) is in die Oos-Kaap, Suid-Afrika. Die rivier ontspring naby die Kompasberg, vloei deur Graaff-Reinet en Jansenville, deur die Suurberge, verby Colchester en mond uit in Algoabaai. Die rivier se totale lengte is 480 km. Die Darlingtondam is geleë in die rivier. Die vernaamste sytakke is die Groot-Rietrivier, Coerneyrivier en Vogelrivier (Voëlrivier). Die Sondagsrivier dreineer onder andere die Kamdeboo area. Dit is die vinnigste vloeiende rivier in Suid-Afrika.
| Sondagsrivier | |
|---|---|
 'n Kinkel in die Sondagsrivier. | |
| Stroomgebied | Suid-Afrika |
| Oorsprong | Kompasberg, Oos-Kaap |
| Monding | Algoabaai Indiese Oseaan |
| Lengte | 250 km (155 myl) |
| Monding-hoogte | 0 m |
  Sondagsrivier |
|
| Koördinate: 33°42′53″S 25°50′54″O | |
Die Sondagsrivier is ook deel van die Oranjerivierprojek. Water word vanaf die Gariepdam oorgeplaas via die Oranje-Visriviertonnel na die Groot-Visrivier en dan via kanale na die Darlingtondam. Van hier word dit na Gqeberha gepomp.
Die Benede-Sondagsriviervallei is bekend vir sitrusboorde wat hier verbou word en lewer ongeveer 'n kwart van Suid-Afrika se sitrusoes.
Bronne
- Logie, Bartle: Sundays - tales from a winding river. Port Elizabeth: Bluecliff, 2011. ISBN 978-0-9870017-2-6
- B.P.J. Erasmus: Op Pad in Suid-Afrika. 1995 ISBN 1-86842-026-4
- Eric Rosenthal: Ensiklopedie van Suidelike Afrika. 1967
 |
Wikimedia Commons bevat media in verband met Sondagsrivier. |