Soeloesee
Die Soeloesee (Engels: Sulu Sea, Filippyns: Dagat Sulu, Maleis: Laut Sulu) is 'n see van die Stille Oseaan in Asië tussen die Filippyne (Mindanao en Visayas) in die ooste en Maleisië (Borneo) in die suidweste. Die Soeloesee grens aan die Suid-Chinese See in die weste en die Celebessee in die suide. Die see het 'n oppervlakte van sowat 260 000 km² en 'n maksimale diepte van 5 600 m.[1]
Die Soeloesee soos vanaf die Filippynse eiland Palawan gesien
'n Haai in die Tubbataha Nasionale Mariene Park, Soeloesee, Filippyne
| Soeloesee | |
|---|---|
 Nasa-Satellietbeeld van die Soeloesee | |
 Kaart van die Filippyne met die Sulusee in die suidweste | |
| Koördinate: | 8°N 120°O |
| Ligging: | Filippyne, Maleisië |
| Soort: | See van die Stille Oseaan |
| Oppervlakte: | 260 000 km² (100 000 myl²) |
| Maksimum diepte: | 5 600 m (18 400 vt) |
| Lengte: | 790 km (490 myl) |
| Breedte: | 605 km (375 myl) |
| Eiland/e: | Borneo, Calamian-eilande, Mindanao, Mindoro, Palawan, Soeloeargipel, Visayas (Negros, Panay) |
| Nedersettings: | Sandakan (Maleisië) |
Die belangrikste nedersettings aan die see is Sandakan in Maleisië. In die middel van die Soeloesee is die Tubbatah-koraalrif geleë, wat in 1993 deur Unesco as wêrelderfenisgebied gelys is. Hierdie inskrywing is in 2009 uitgebrei.[2]
Seerowery is 'n algemene verskynsel, veral naby die kus van Borneo.
Verwysings
- "Sulu Sea" (in Engels). Encyclopædia Britannica. Geargiveer vanaf die oorspronklike op 18 Januarie 2020. Besoek op 25 April 2020.
- "Tubbataha Reefs Natural Park" (in Engels). Unesco. Geargiveer vanaf die oorspronklike op 24 Mei 2020. Besoek op 25 April 2020.
Eksterne skakels
Wikimedia Commons het meer media in die kategorie Soeloesee.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.