Slag van die Koraalsee

Die Slag van die Koraalsee het op 4 - 8 Mei 1942 in die Koraalsee plaasgevind, tussen die Japannese Keiserlike Vloot en die Amerikaanse Vloot tydens die Tweede Wêreldoorlog.

Slag van die Koraalsee
Deel van Tweede Wêreldoorlog

Die Slag van die Koraalsee
Datum 4–8 Mei 1942
Ligging Koraalsee tussen Australië, Nieu-Guinee en die Solomoneilande
Resultaat Oorwinning deur die Geallieerdes
Strydende partye
Vlag van Verenigde State van Amerika Verenigde State
Vlag van Australië Australië		 Vlag van Japannese Keiserryk Japan
Bevelvoerders
Vlag van Verenigde State van Amerika Frank J. Fletcher
Vlag van Australië John Crace
Vlag van Verenigde State van Amerika Thomas C. Kinkaid
Vlag van Verenigde State van Amerika Aubrey Fitch
Vlag van Verenigde State van Amerika George Brett		 Vlag van Japan Shigeyoshi Inoue
Vlag van Japan Takeo Takagi
Vlag van Japan Kiyohide Shima
Vlag van Japan Aritomo Gotō
Vlag van Japan Chūichi Hara
Sterkte
2 vliegdekskepe
9 kruisers
13 torpedojaers
2 olietenkers
1 watervliegtuigtender
128 draervliegtuie		 3 vliegdekskepe
9 kruisers
15 torpedojaers
5 mynveërs
2 mynleërs
2 duikbootjagters
3 kanonneerskepe
1 olietenker
1 watervliegtuigtender
12 transportskepe
127 draer vliegtuie
Ongevalle
1 vliegdekskip
1 torpedojaer
1 olietenker
69 vliegtuie
656 gesneuweldes		 1 ligte vliegdekskip
1 torpedojaer
3 klein oorlogskepe
92 vliegtuie
966 gesneuweldes

Die vlote

Die Japannese Vloot het bestaan uit twee taakmagte:

  • Vise-Admiraal Aritomo Goto, in beheer van die vliegdekskip Shoho toegerus met 21 vliegtuie, vier swaarkruisers en 'n torpedojaer.
  • Vise-Admiraal Takeo Takagi, in beheer van twee vliegdekskepe, Shokaku en Zuikaku toegerus met 63 vliegtuie elk.

Die Amerikaanse Vloot het ook bestaan uit twee taakmagte:

  • Skout-Admiraal Fletcher, in beheer van die vliegdekskip USS Yorktown toegerus met 72 vliegtuie.
  • Skout-Admiraal Aubrey W. Fitch, in beheer van die vliegdekskip USS Lexington toegerus met 71 vliegtuie.

Agtergrond

Die Japannese het beplan om die eiland Tulagi in te val wat hulle ook gedoen het op 3 Mei. Hier het hulle 'n seevliegtuigbasis gestig. Terselfdertyd is troepeskepe gelaai te Rabaul vir 'n inval in Port Moresby, die laaste Australiese basis op Nieu-Guinee. Op 4 Mei het die troepeskepe onder Vise-Admiraal Goto se beskerming Rabaul verlaat. Terselfdertyd het Vise-Admiraal Takagi die Koraalsee binnegekom vanaf die ooste.

Die Amerikaners het die Japannese se aksies verwag vanweë hulle akkurate intelligensie. Beide Fletcher en Fitch was naby gewees en op 4 Mei het die Yorktown Tulagi aangeval maar min verrig. Op 7 Mei ontdek die Amerikaners wat hulle gedog het Takagi se mag was en val aan. Dit was egter Goto se mag en die Amerikaners sink die Shoho. Gedurende die oggend sink die Japannese 'n Amerikaanse olietenkskip en torpedojaer.

8 Mei

Op 8 Mei was die twee groepe bewus van mekaar se posisies en volskaalse aanvalle word geloods. Die Yorktown en Lexington word getref en die Zuikaku ontsnap deur in 'n reënstorm skuiling te soek. Later sink die Lexington en beide magte keer toe terug na hul tuisbasisse vir herstelwerk.

Die belangrikste uitkoms van die slag was dat die inval op Port Moresby afgestel word. Die twee vlote ontmoet eers weer tydens die Slag van Midway gedurende Junie.

Bron
  • The Encyclopedia of Sea Warfare. Spring Books. 1975. ISBN 0-600-33111-3
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.