Slag van Vukovar

Die Slag van Vukovar was 'n 87-dag beleg van Vukovar in Oos-Kroasië deur die sogenaamde "Joego-Slawiese Volksleër", ondersteun deur verskeie paramilitêre troepe van Serwië, tussen Augustus en November 1991.

Slag van Vukovar
Deel van die Kroatiese Vryheidsoorlog
Die Watertoring van Vukovar
Datum 25 Augustus – 18 November 1991 Ligging Vukovar, Kroasië Resultaat Serwiese oorwinning
Strydende partye
Kroasië	Joego-Slawië
Bevelvoerders
Franjo Tuđman	Veljko Kadijević
Sterkte
1 800	36 000
Ongevalle
879 vermoor 777 gewond	1 103 vermoor 2 500 gewond

'n Kroatiese meisie wag daarop dat VN-troepe haar in veiligheid bring. Serwiese moordbendes het Kroatiese burgers in Vukovar wreedagtig vermoor en hul lyke ten toon gestel

Voor die Kroatiese Vryheidsoorlog was die Barokstad 'n welvarende, etnies gemengde gemeenskap van Kroate, Serwiërs, en ander etniese groepe. In 1990 het die veelvuldige kulturele verskille tussen Westers-gesinde Rooms-Katolieke Kroate en russofiele Ortodokse Serwiërs uitgemond in 'n nasionalistiese beleid aan weerskante van die grens- en breuklyn tussen die twee volke wat dekades lank in 'n kunsmatige staat Joego-Slawië verenig was - onder president Franjo Tudjman in Kroasië en die Serwiese leier Slobodan Milosevic in Serwië.

Dit het aanleiding gegee tot 'n gewapende opstand van Kroatiese Serwiërs wat deur die Serwiese régime en paramilitêre groepe ondersteun is. Soos die Kroatiese Serwiërs beslag gelê het op die Serwies-bevolkte gebiede van Kroasië, het die Joego-Slawiese Volksleër begin om in te gryp ten gunste van die rebellie. Konflik het in die Oos-Kroatiese streek van Slavonië uitgebreek in Mei 1991. In Augustus het die Serwiese Volksleër 'n volskaalse aanval teen Kroaties-beheerde grondgebied in Oos-Slavonië geloods, insluitend Vukovar.