Slag van Cambrai

Tenks was vir die eerste keer gebruik op 15 Augustus 1916 tydens die eerste Slag van die Somme maar nie op groot skaal nie. Gedurende 1917 het die Britse magte 'n Tenk Korps gestig wat bestaan het uit drie brigades onder die beheer van Brigadie Hugh Elles. Elles se stafhoof was Luitenant-Kolonel J.F.C Fuller.

Tot op hierdie stadium het die tenk homself egter nog nie bewys nie. Die tenks was swaar en het gesukkel oor modder terrein of slagvelde vol bomkraters. Die bestuurder se uitsig was beperk en dit was warm in die tenks wat die bemanning gou uitgeput het. Tydens die Slag van Passchendaele het die tenks in die modder vasgeval met groot verliese van 325,000 man aan Britse kant. Die infanteriste het die tenk as 'n mislukking beskou.

Fuller het anders oor die saak gevoel. Nadat hy die Westelike front ondersoek het besluit hy dat die area tussen St. Quentin en Cambrai geskik was vir die gebruik van tenks, veral vir groot getalle tenks. Daar was nie onlangs gevegte in die area nie dus was bomkraters nie 'n probleem nie. Saam met Elles beskuit hulle om Cambrai aan te val. Hulle kry goedkeuring vanaf Generaal Sir Julian Byng.

Hulle plan was dat nege tenk brigades gebruik sou word tydens die aanval gevolf deur negentien Briyse soldate, onder steun deur vyf kavallerie divisies.

Op 20 November 1917 om 6:20 het die Britte die aanval geloods met 474 tenks en die Duitsers volkome verras. Normaalweg is aanvalle met artillerie bombardeing begin voor die infanterie hul aanval geloods het. Hier was egter geen artillerie aanvale nie, dus was die verrassing volkome. Die tenks het eenvoudig deur die doringdraad versperrings gebars. Teen 7:20 het die Britte 'n bres van ses myl wyd en drie myl diep deur die Hindenburg linie geslaan.

• History's Greatest Battles Nigel Cawthorne 2012 Arcturus Publishing ISBN 978-1-84858-831-8