Skukuza-lughawe

Skukuza-lughawe (IATA-kode: SZK, ICAO: FASZ)[2] is 'n klein lughawe wat die Krugerwildtuin in Mpumalangaprovinsie van Suid-Afrika bedien. Dit is geleë net noord van Skukuza op die Tshokwanepad.

Skukuza-lughawe
Ingang by Skukuza-lughawe in 2020
IATA: SZK – ICAO: FASZ
Opsomming
Tipe lughawe Openbaar
Eienaar SANParke
Operateur Airlink
Bedien Krugerwildtuin
Ligging Skukuza, Mpumalanga, Suid-Afrika
Hoogte bo seevlak 1 020 vt / 311 m
Landkaart
FASZ is in Mpumalanga
FASZ
FASZ

Ligging in Mpumalanga

Aanloopbane
Rigting Lengte Oppervlak
m vt
17/35 1 550 5 085 Teer
Bronne: Suid-Afrikaanse Lugvaartinligtingspublikasie[1]

Die lughawe is in 1958 geopen en is genoem ter ere van kol. James Stevenson-Hamilton, die eerste bewaarder van die Krugerwildtuin. In 2018 is die lughawe deur Forbes as "die mooiste lughawe ter wêreld" gedoop.[3]

Fasiliteite

Die lughawe lê 311 meter (1020 voet) bo seevlak en beskik oor een geteerde aanloopbaan (aangedui as 17/35) van 1550 meter lank.[1] Volgens nuusberigte is daar in 2014 'n netjiese nuwe terminaalgebou by die lughawe opgerig, wat in die styl is van die luukse lodges wat dit bedien.[4]

Die lughawe het 'n klein geskenkwinkel sowel as 'n koffiewinkel en kroeg vir besoekers wat op hul vlugte wag. Drie inkloktoonbanke is beskikbaar, en daar is ook rusbanke beskikbaar.[5][6]

Geskeduleerde vlugte
Avro RJ85 vliegtuig soortgelyk aan die waarmee Airlink na Skukuza vlieg.

Airlink vlieg sedert 2 Junie 2014 daagliks na/van O.R. Tambo Internasionale Lughawe in Johannesburg, (359 km ver in 'n direkte lyn), asook na/van die Kaapstad Internasionale Lughawe.[7][4]

Landvervoer

Avis Rent a Car bestuur die motorhuurfasiliteite by beide Skukuza-kamp en Skukuza-lughawe. Benewens die huurfasiliteit by die lughawe, verskaf hulle 'n pendeldiens na die hoofkamp.[8][9][10] Lion Sands Reserve bied gratis pendeldienste vanaf Skukuza-lughawe vir gaste na hul reservaat.[11]

Galery
  • Renosterstandbeeld by die ingang
    Renosterstandbeeld by die ingang
  • Bagasie-afhaalplek
    Bagasie-afhaalplek
  • Naambord buite die klein terminaalgebou
    Naambord buite die klein terminaalgebou
  • 'n Comair Douglas DC-3 by Skukuza in 1973
    'n Comair Douglas DC-3 by Skukuza in 1973

Verwysings
  1. "Lughawekaart vir FASZ – SKUKUZA" (PDF) (in Engels). Suid-Afrikaanse Burgerlugvaartowerheid. 8 Julie 2004. Geargiveer vanaf die oorspronklike (PDF) op 9 Oktober 2019.
  2. "IATA Airport Code Search (SZK: Skukuza)". International Air Transport Association. Besoek op 17 Junie 2013.
  3. Bishop, Jordan. "Introducing: The Prettiest Airport In The World". Forbes (in Engels). Besoek op 6 Januarie 2020.
  4. (en) Wild Card Blog: Skukuza flights to resume after 10 years Geargiveer 22 Desember 2015 op Wayback Machine URL besoek op 15 Junie 2014
  5. Batzofin, David (22 Maart 2015). "I re-visit Skukuza airport, Kruger National Park". Travel & Things (in Engels (VSA)). Besoek op 6 Januarie 2020.
  6. "Facilities". Skukuza Airport (in Engels (VSA)). Besoek op 6 Januarie 2020.
  7. Staff. "Avis Opens at Skukuza Airport". www.autorentalnews.com. Besoek op 6 Januarie 2020.
  8. "Avis launches shuttle services between Skukuza Airport and camp". Traveller. 18 Augustus 2014. Besoek op 6 Januarie 2020.
  9. "Car Hire Skukuza Airport - Avis". www.avis.co.za. Besoek op 6 Januarie 2020.
  10. "Skukuza Airport Kruger National Park | Flying In". Lion Sands (in Engels (VSA)). Besoek op 9 Januarie 2020.

Eksterne skakels
Hierdie artikel is in sy geheel of gedeeltelik vanuit die Engelse Wikipedia vertaal.
   
Klik vir info oor hierdie sjabloon.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.