Skoonheid (rolprent)
Skoonheid is 'n Suid-Afrikaanse rolprent wat vir die eerste keer op 17 Mei 2011 tydens die filmfees in Cannes in Frankryk vertoon is. Dit is op 5 Augustus 2011 in Suid-Afrika vrygestel. Die prent se dialoog is in Afrikaans met Engelse onderskrifte. Die regisseur is Oliver Hermanus (dit is sy tweede film).
| Skoonheid | |
|---|---|
| Regisseur | Oliver Hermanus |
| Draaiboek | Draaiboek: Oliver Hermanus en Didier Costet |
| Met | Deon Lotz Charlie Keegan |
| Musiek deur | Ben Ludik |
| Kinematografie | Jamie Ramsey |
| Redigeerder | George Hanmer |
| Ateljee | Equation Moonlighting Films |
| Uitgereik | 17 Mei 2011 |
| Speeltyd | 98 minute |
| Land | Suid-Afrika |
| Taal | Afrikaans (hier en daar Engels) |
| Amptelike webtuiste | |
| IMDb-profiel | |
Die fliek het die Queer Palm-prys by die internasionale Cannes-fliekfees in Frankryk losgeslaan. Die Suid-Afrikaanse keurraad, onder die vaandel van die Nasionale Film-en-Videostigting, het die film as amptelike inskrywing vir die Oscars aangewys.[1]
Genre
Skoonheid is 'n dramatiese kunsfilm. Die ouderdomsperk is 18 en dit word nie vir sensitiewe kykers aanbeveel nie.
Hoofrolspelers
- Deon Lotz as Francois van Heerden (hoofrol)
- Tinarie van Wyk-Loots as Linda van Heerden
- Charlie Keegan as Christian
- Roeline Daneel as Anika
- Sue Diepeveen as Marika
- Albert Maritz as Willem
- Michelle Scott as Elena
Storielyn
Francois van Heerden is wit Afrikaanse man in sy middel 40's. Hy is 'n eggenoot en pa van twee, eienaar van 'n besigheid en blykbaar 'n vooraanstaande in die gemeenskap. Hy onderdruk egter al jare lank sy seksualiteit en sy lewe is stadig maar seker besig om te ontrafel.
Sien ook
Verwysings
- Skoonheid stel sy visier op Oscarglorie, Nuus24, 24 September 2011