Skokiaan

Skokiaan is ‘n alkoholiese drank wat aanvanklik deur die swart inwoners van die mynkampongs op die Witwatersrand berei is.[1][2]

Die bestanddele is goedkoop en volop beskikbaar, maar soms is die gevolge van die gebruik van die drank fataal. Water, suiker, mieliemeel of meel van manna en suurdeeg word laat gis. Bykomende bestanddele, soos karbied, word soms toegevoeg om meer etielalkohol te verkry.[3]

Etimologie

Die woord skokiaan kom blykbaar van die Zoeloe-woord isi-kokeya of isi-kokeyana met die waarskynlike betekenis van “kring by die dans” of “klein kamp”. Dit verwys glo na die gewoonte om onwettige drank te versteek.

Lees ook

Bronne
  • Rosenthal, Eric: Ensiklopedie van Suidelike Afrika. Londen: Warne, 1967.

Verwysings
  1. Saungweme T, Khumalo H, Mvundura E, et al. 1999. Iron and alcohol content of traditional beers in rural Rhodesia. The Central African Journal of Medicine 45(6):136-40. Retrieved 5 February 2008.
  2. Muponde, Richard. Geargiveer 29 September 2007 op Wayback Machine 2006. Granny fined for brewing kachasu. Chronicle, 18 Maart. Retrieved 5 Februarie 2008.
  3. (en) https://www.sowetanlive.co.za/news/2007-07-20-land-of-skokiaan-and-no-money/
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.