Skede
'n Skede is 'n omhulsel (stuk uitrusting) waarin die lem van 'n swaardagtige wapen (mes, dolk of swaard) of 'n byl gestoor word. Die skede beskerm die wapen en help dat die gebruiker homself nie onopsetlik daarmee beseer nie. Die skede word meestal van hout of leer gemaak. Dit kan op die rug of aan 'n riem/gordel aan die sy gedra word. Swaarde word tipies só op die heup in 'n skede gedra. 'n Skede vir pyle word 'n koker genoem, wat meestal op die rug gedra word.
Mes met skede
.jpg.webp)
'n Swaard in die skede
Figuurlik gesproke word die woord skede in sekere spreekwoorde gebruik. Onder andere:
- Die swaard uit die skede trek (die stryd aansê)
- Die swaard in die skede steek (die stryd staak)
Die woord skede word ook soms in 'n biologiese konteks gebruik, meestal om die omkleding van sommige dele van plante en diere te beskryf.
Eksterne skakels
Wikimedia Commons het meer media in die kategorie Skede.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.