Sjoesjenskoje
Sjoesjenskoje (Russies: Шушенское) is ’n dorp in die suide van Krasnojarsk-krai, Rusland. In 2014 het dit ’n bevolking van 16 985 gehad. Dit is geleë aan die samevloei van die riviere Jenisei en Groot-Sjoesj. Die naam Sjoesj is Turks en beteken "been" (soos in 'n geraamte).
Sjoesjenskoje Шушенское | |
---|---|
Dorp | |
![]() Vlag | |
![]() Die ligging van Krasnojarsk-krai in Rusland | |
Koördinate: 53°20′0″N 91°56′0″O | |
Land | ![]() |
Deelgebied | Krasnojarsk-krai |
Stigting | 1728 |
Status sedert | 1960 |
• Tipe | Stad-okroeg |
Hoogte | 290 m (950 ft) |
Bevolking | |
• Totaal | 16 985 |
Tydsone | UTC+08:00 (KRAT) |
Poskode | 662720 |
Skakelkodes | 7 39139 |
Wladimir Lenin was van 1897 tot 1900 ’n banneling hier. In 1970 is ’n museum geopen om sy verblyf hier te gedenk. Dit is vandag een van die dorp se bekendste bakens. Besoekers van oor Rusland word hierheen gelok om te sien waar Lenin gewoon het en hoe die plattelandse bevolking van die 18de eeu geleef het. Daar is ook ’n paar natuurreservate om die dorp.
In 2003/'04 het ’n nuwe fees, die Sajan-ring (Саянское кольцо), hier ontstaan wat deur mense van oor Rusland bygewoon word. Musiek van verskillende etniese style word tydens die fees van drie tot vier dae gespeel.
Die klimaat is warm in die somer, wanneer spanspek en waatlemoen gekweek word, en baie koud in die winter (tot -40 grade Celsius).
Eksterne skakels
- Amptelike webtuiste van die Sajan-ringfees Geargiveer 21 Oktober 2010 op Wayback Machine