Sixtynse kapel

Die Sixtynse kapel (Latyn: Sacellum Sixtinum; Italiaans: Cappella Sistina) is 'n kapel in die Apostoliese Paleis in die Vatikaanstad en die amptelike woning van die pous. Die kapel, wat eers as die Cappella Magna ("Groot Kapel") bekend was, is genoem na pous Sixtus IV, wat dit tussen 1473 en 1481 laat bou het. Dit is vandag die ligging van die pouslike konklaaf, waar die pous gekies word.

Die oostekant van die kapel, met Die laaste oordeel deur Michelangelo.

Fresko's
Die hoofartikel vir hierdie afdeling is: Plafon van die Sixtynse kapel.

Die roem van die Sixtynse kapel lê hoofsaaklik in die fresko's wat die binnekant versier, veral die plafon van die Sixtynse kapel en Die laaste oordeel, albei deur Michelangelo.

Geskiedenis

Tydens die bewind van Sixtus IV het 'n span Renaissance-skilders, insluitende Sandro Botticelli, Pietro Perugino en Domenico Ghirlandaio, 'n reeks fresko's geskep wat die Lewe van Moses en die Lewe van Christus uitgebeeld het, met pouslike portrette daarbo en trompe-l'œil-behangsels daaronder. Dié skilderye is in 1482 voltooi, en op 15 Augustus 1483 het Sixtus IV die eerste mis in die Sixtynse kapel gehou, waartydens die kapel ingewy en aan die Maagd Maria opgedra is.[1][2]

Tussen 1508 en 1512, onder beskerming van pous Julius II, het Michelangelo die kapel se plafon geskilder, 'n projek wat die gang van Westerse kuns verander het en beskou word as een van die grootste artistieke prestasies van die menslike beskawing.[3][4] In 'n ander politieke klimaat, ná die plundering van Rome, het Michelangelo teruggekeer en Die laaste oordeel tussen 1535 en 1541 vir pous Clemens VII and pous Paulus III geskilder.[5] Die roem van Michelangelo se skilderings het 'n menigte besoekers na die kapel gelok sedert hulle 500 jaar gelede onthul is.

Verwysings
  1. Pietrangeli, Carlo, ed. (1986), The Sistine Chapel, New York: Harmony Books, ISBN 0-517-56274-X
  2. Monfasani, John (1983), "A Description of the Sistine Chapel under Pope Sixtus IV", Artibus et Historiae (IRSA s.c.) 4 (7): 9–18, doi:10.2307/1483178, ISSN 0391-9064, http://www.artibusethistoriae.org/?menu=art&gdzie=artibusChapterResult&id=68.
  3. Gardner, Helen (1970) Art through the Ages, p. 469, Harcourt, Brace and World. ISBN 978-0-15-508315-8
  4. Robert Coughlan, The World of Michelangelo, Time-Life International, (1966) p. 116
  5. Robert Coughlan, p. 127

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.