Sirakuse

Sirakuse (Italiaans: Siracusa, Sisiliaans: Sarausa) is 'n stad en munisipaliteit in die suidooste van Sisilië, 'n eilandgebied van Italië. Dit is 'n hawestad en ook die hoofstad van die gelyknamige provinsie, met 'n bevolking van 125 000.

Sirakuse Siracusa / Sarausa
Stad
Sonsopkoms oor Sirakuse
Sirakuse
Koördinate: 37°4′N 15°17′O
Land	Italië
Streek	Sisilië
Provinsie	Sirakuse
Regering
• Burgemeester	Giancarlo Garrozzo (PD)
Oppervlak
• Totaal	204,1 km2 (78,8 vk. myl)
Hoogte	17 m (56 ft)
Bevolking
• Totaal	123 408
• Digtheid	600/km2 (1 600/vk. myl)
Tydsone	UTC+01:00 (MET)
• Somertyd	UTC+02:00 (MEST)
Poskode	96100
Skakelkodes	0931
Webwerf	www.comune.siracusa.it

Sirakuse is bekend as die woonplek van die Griekse wiskundige en ingenieur, Archimedes (287–212 v.C.). Die stad word ook in die Nuwe Testament in die boek van Handelinge vermeld as die plek waar Paulus oorgebly het.[1] In 2005 is die stad, saam met die nabygeleë Rots Nekropolis van Pantalica, tot UNESCO-wêrelderfenisgebied verklaar.

Die stad het 'n ryke geskiedenis. Dit was oorspronklik 'n Griekse kolonie, wat in 734 v.C. deur Griekse boere uit Korinthe gestig is. Hulle het die kolonie syrako (Συρακοῦσαι), Grieks vir moeras, genoem.

Die oorblyfsels van die Griekse teater by Sirakuse aan die weskus van Sisilië (Sicilië) was een van die grootste teaters van die antieke wêreld. 'n Deursnee van 160 m was baie ruim. Vandag is daar nog 46 rye sitplekke oor, maar vermoedelik was daar oorspronklik nog 15 gewees. Dit word nog altyd gebruik vir die opvoering van Oud-Griekse dramas.

Die teater is in die 5de eeu v.C. gebou deur Hiëron I, tiran van Sirakuse.