Sint Rosalia

Sint Rosalia (Italiaans: Santa Rosalia) (1130 – 1166) is die beskermheilige van Palermo, Sisilië, (Italië) en El Hatillo, in Miranda, Venezuela.

Sint Rosalia Italiaans: Santa Rosalia
Santa Rosalia standbeeld in Monterey
Heilige
Gebore	1130,
Sterfte	1166, Pellegrinogebergte
Vereer in	Rooms-Katolieke Kerk
Feesdag	4 September met 'n spesiale fees in Palermo op 15 Julie
Beskermheilige	Palermo; El Hatillo

Volgens legende is Rosalia gebore in 1130 in 'n adellike Normandiese familie wat daarop aanspraak gemaak het dat hulle afstammelinge van Karel die Grote was. As 'n baie vrome jong dame het sy as 'n kluisenaar in 'n grot in Pellegrinogebegte gaan woon waar sy in 1166 te sterwe gekom het. Daar is niks oor haar sterfte op 36-jarige ouderdom bekend nie.

In 1624 het 'n plaag Palermo getref en tydens die ontbering het Sint Rosalia vir die eerste keer aan 'n siek vrou verskyn, daarna aan 'n jagter aan wie sy aangedui het waar haar oorskot gevind kon word. Sy het beveel dat haar beendere na Palermo gebring moes word waar dit in optog deur die stad gedra moes word. Die jagter het die berg uitgeklim en haar beendere gevind soos beskryf is. Hy het gemaak soos hy in die verskyning aangesê is en na die optog het die plaag geëindig. Van toe af sou Sint Rosalia vereer word as die beskermheilige van Palermo en is 'n toevlugsoord gebou by die grot waar haar oorskot gevind is.

'n Fees word jaarliks op die 15 Julie in haar naam gehou. Dit is 'n belangrike sosiale en godsdienstige gebeurtenis in Palermo. Op 4 September word 'n verwante tradisie uitgevoer waarin mense kaalvoet van Palermo tot by Mount Pellegrino loop.

'n beeld van Sint Rosalia wat deur strate gedra word