Sint Joris

Sint Joris (Engels: Saint George; Grieks: Γεώργιος Geórgios; gesterf 23 April 303), ook genoem Joris van Lydda, was 'n Christen wat in die Christendom tot heilige verklaar is. Volgens tradisie was hy 'n soldaat in die Romeinse leër. Sy ouers was Christene van Griekse afkoms. Sint Joris was 'n soldaat van Kappadosies-Griekse en Palestynse afkoms en lid van die Pretoriaanse Garde van die Romeinse keiser Diocletianus wat ter dood veroordeel is omdat hy nie sy Christelike geloof wou prysgee nie. Hy het een van die mees geëerde heiliges en groot martelaars in die Christendom geword. Hy is veral sedert die Kruistogte as 'n militêre heilige vereer.

Sint Joris

'n Portret deur Hans von Kulmbach (omstreeks 1510).
Gebore Kappadosië
Sterfte 23 April 303, Bitinië, Romeinse Ryk[1][2]
Feesdag 23 April
Attribute Aangetrek soos 'n Kruisvaarder in wapentuig, dikwels op 'n wit perd en met 'n lans in die hand, ook dikwels waar hy 'n draak verslaan.

In hagiografie word hy onthou in die verhaal Sint Joris en die draak. Sy feesdag is gewoonlik op 23 April. Engeland, Ethiopië, Georgië, Katalonië en Aragon in Spanje, Moskou in Rusland en verskeie ander state, stede, streke, universiteite en organisasies beskou sint Joris as hulle beskermheilige. Sint Joris se bene is begrawe in die Kerk van Sint Joris in Lod, Israel.

Verwysings
  1. Foakes-Jackson, FJ (2005), A History of the Christian Church, Cosimo Press, p. 461, ISBN 1-59605-452-2.
  2. Ball, Ann (2003), Encyclopedia of Catholic Devotions and Practices, p. 568, ISBN 0-87973-910-X.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.