Sint Christopher

Sint Christopher (?–251 n.C.; Latyn: Christophorus; Grieks: Χριστόφορος, "Christus-draer") was die man wat Jesus glo oor ’n rivier gedra en daarom die beskermheilige van reisigers geword het.[2] Hy is 'n heilige in die Rooms-Katolieke Kerk en die Oosters-Ortodokse Kerk.

Sint Christopher met die kop van 'n hond.

Sint Christopher
Sint Christopher, deur Albrecht Dürer.
Martelaar
Gebore	onbekend, Kanaän (Westerse berigte) of Marmarica (Oosterse berigte)
Sterfte	ca. 251, Asia Minor
Vereer in	Rooms-Katolieke Kerk Oosters-Ortodokse Kerk Lutheranisme Oriëntale Ortodoksie Anglikaanse Gemeenskap
Pelgrimsoord	Westminster-abdy
Feesdag	25 Julie (Rooms-Katolieke Kerk) 9 Mei (Oosters-Ortodokse Kerk)[1]
Attribute	Boom, tak, as 'n reus of ogre, dra Jesus, spies, skild, soos 'n hondkopkop
Beskermheilige	Loslopers, vervoer (bestuurders, matrose, ens.), Reis (veral vir lang reise), storms, Brunswyk, Sint Christophereiland (Sint Kitts), Eiland Rab, Vilnius, epilepsie, tuiniers, heilige dood, tandpyn

Christopher word as 'n belangrike heilige beskou wat in talle lande en tydperke vereer is (of steeds vereer word). Sy naamdag is 24 Julie (vóór die Tweede Vatikaanse Konsilie val sy naamdag op 25 Julie, maar omdat dit ook die naamdag van die apostel Jacobus is, is St. Christopherdag een dag aangeskuif). In die Ortodokse Kerk val sy feesdag op 9 Mei. In die Oosters-Ortodokse tradisie word hy dikwels as 'n reus met 'n hondekop uitgebeeld.

In die Middeleeue was Christopher een van die Veertien Noodhelpers of Heilige Helpers, wat in 'n noodgeval as groep aangeroep kon word. Hy sou mense teen peste en 'n onvoorsiene dood beskerm (met ander woorde, om te sterwe sonder om die laaste sakramente te ontvang). Vanweë die kort lewensverwagting van mense in daai tyd was afdrukke en beelde van die draer van Christus in die laat Middeleeue op markpleine, in huise en in kerke te vind. Een van hierdie afdrukke (die sogenaamde Buxheimer Christophorus in Manchester) dra die opskrif Christofori faciem die quacumque tueris Illa nempe die morte male non morieris (Afrikaans: 'Op elke dag wat jy die gelaat van Christopher aanskou, sal jy sekerlik nie 'n kwade dood sterf nie').

Sint Christopher is die beskermheilige van reisigers, almal wat die pad aandurf, skrynwerkers, skilders, pelgrims, vrugtehandelaars, boekbinders, skatgrawers, boogskutters, hoedemakers, tuiniers en kinders. Hy beskerm mense teen besmetlike siektes, onverwagte dood, die pes, droogte, onweer, hael, watersnood, vuurrampe, oogsiektes en selfs tandpyn.

Die enige St. Christopher-katedraal ter wêreld is in die stad Roermond, waar 'n beeld van hom met Christus op sy skouer die katedraal versier. In die stad Schagen is 'n St. Christopherkerk. Die kerk is deur A. Tepe ontwerp en in 1883 gebou.