Sing vir die harlekyn

Sing vir die Harlekyn is 'n Afrikaanse rolprent wat in 1980 deur Rand Films uitgereik is. Johann Schutte was die vervaardiger en F.C. Hamman die regisseur. Anton Goosen het die musiekverwerking behartig.[1]

Sing vir die Harlekyn
Regisseur FC Hamman
Produksieleier Johann Schutte
Draaiboek Cobus Robinson
Met Sonja Herholdt
André Swiegers
Bill Curry
Carina Steyl
Frik Herholdt
Musiek deur Anton Goosen
Ateljee Rand Films
Verspreider Rand Films
Uitgereik 1980
Speeltyd 90 minute
Land Suid-Afrika
Taal Afrikaans

Hoofrolspelers

Storielyn

Sing vir die Harlekyn is 'n musiekrolprent met Sonja Herholdt in die hoofrol as Tina. Dit is die verhaal van Diederik, 'n vuurtoringwagter wat droom van die dag wanneer sy dogter geleerd sal terugkom as onderwyseres om klas te gee onder hulle mense aan die Weskus. Tina droom egter van groter hoogtes en sterstatus met haar sang. Sy druip haar eerste jaar op universiteit tot haar pa se diepe teleurstelling, maar Niek, 'n jarelange vriend, glo dat drome die begin van alles is. Hy praat haar moed in en met die simpatieke ondersteuning van Charlie die harlekyn, betree sy die pad na sukses. Dit is 'n hartseer suksesverhaal, propvol musiek en speel af op Paternoster aan die Weskus en in Johannesburg.

Sien ook

Verwysings
  1. Flip Bezuidenhout produksies Geargiveer 5 Maart 2016 op Wayback Machine, besoek op 27 Maart 2010.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.