Siderium

Die Siderium is 'n periode in die vroeë Prekambriese geskiedenis van die Aarde.

Eon Era Periode Ouderdom  Ma.
Proterosoïkum Paleoproterosoïkum later
Argeïkum Neoargeïkum Siderium[1][2] 2630 -2420
Metanium 2780 – 2630
Mesoargeïkum Pongolium 3020 – 2780
Vaalbarium 3490 -3020
Paleoargeïkum 3810 – 3490
Eoargeïkum 4000 – 3810 ?
Hadeïkum Neohadeïkum Prometium vroeër

Volgens die chronologiese definisie van die IUGS: International Union of Geological Sciences se subkommissie vir stratigrafie is dit in 1988 gedefinieer as die eerste periode van die Paleoproterosoïkum en het dit per definisie geduur van 2500 tot 2300 miljoen jaar gelede.[3]

Volgens die stratigrafiese definisie van Gradstein hulle[1] word sy begin gedefinieer deur die verskyning van Hamersley se gebande ysterformasie (BIF Banded Iron Formation) en sy einde deur die verskyning van die Huroniese ystydperk. Die datering van hierdie gebeurtenisse is omtrent 2630 en 2420 Ma, eeffens vroeër as die chronologiese datering. 'n Ander verskil is dat Gradstein dit as die laaste periode van die Argeïkum beskou pleks van die eerste periode van die Proterosoïkum.

Geochemiese verandering
Gebande ysterformasies wat die Rio Tinto rooi kleur.

Die groter voorkoms van suurstof het die oorheersing van metaanvervaardigende organismes beëindig wat kenmerkend was voor die periode voor die siderium, die metanium. Die naam Siderium verwys na yster, omdat in hierdie tydperk groot hoeveelhede van hierdie element wat as Fe2+ in die oseane opgelos was, geoksideer is en as ysteroksiedafsettings neergeslaan het. Hierdie proses is biogeen van aard. Fotosintetiese organismes soos sianobakterieë het meer en meer suurstof vrygestel en dit het die dir oksidasiepotensiaal in die oseane verander. Dit word die Groot Suurstofkatastrofe genoem.

Omtrent 2,4 Ga verskyn die eerste afsetting van gips (kalsium-sulfaat). Dit beteken dat toe sulfaat volop in die oseane geword het. Die beteken dat vulkaniese swaweluitstoot soos SO2 makliker geoksideer is. [4]

Verwysings
  1. The Geologic Time Scale 2012, Deel 2 F M Gradstein, J G Ogg, Mark Schmitz, Gabi Ogg Elsevier, 2012 ISBN 0-444-59425-6, ISBN 978-0-444-59425-9
  2. Hierdie indeling volg F M Gradstein, J G Ogg, Mark Schmitz, Gabi Ogg s'n. Hierdie indeling kom nie heeltemal met Golblatt s'n vir die Hadeïkum ooreen nie: die grens tussen die twee eone is nie dieselfde nie
  3. Main Tectonic Events and Metallogeny of the North China Craton Mingguo Zhai, Yue Zhao, Taiping Zhao Springer, 2016, ISBN 9811010641, 9789811010644
  4. Palaeoclimates: the first two billion years James F Kasting, Shuhei Ono Philos Trans R Soc Lond B Biol Sci. 2006 Jun 29; 361(1470): 917–929.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.