Shenzhou

Shenzhou (Chinees: 神舟) is ’n ruimtetuig wat deur die Volksrepubliek China ontwerp is. Die naam word soms vertaal as "goddelike tuig" of "towerboot". Die ontwerp stem ooreen met dié van die Russiese Sojoes-ruimtetuig, maar dit is groter. Die eerste Shenzhou-tuig is op 19 November 1999 lanseer en die eerste bemande sending was op 15 Oktober 2003. In Maart 2005 is ’n asteroïde 8256 Shenzhou genoem ter ere van die ruimtetuig.

Die Shenzhou-ruimtetuig.
Die ruimtepak van Yang Liwei tydens die Shenzhou 5-missie.

Geskiedenis

China se eerste ruimteprogram is aanvanklik Projek 921-1 genoem, maar ná die eerste onbemande vlug is dit na Shenzhou verander. Nog drie onbemande vlugte, een met diere en ses bemande vlugte het gevolg.

Vlugte
  • Shenzhou 1 (19 November 1999) – onbemande toetsvlug
  • Shenzhou 2 (9 Januarie 2001) – met diere aan boord
  • Shenzhou 3 (25 Maart 2002) – met ’n pop aan boord[1]
  • Shenzhou 4 (29 Desember 2002) – met ’n pop; verskeie wetenskapeksperimente uitgevoer
  • Shenzhou 5 (15 Oktober 2003) – 14 omwentelings om die Aarde met Yang Liwei aan boord
  • Shenzhou 6 (12 Oktober 2005) – sending van vyf dae met Fei Junlong en Nie Haisheng
  • Shenzhou 7 (25 September 2008) – drie bemanningslede: Zhai Zhigang, Liu Boming en Jing Haipeng; twee lede loop in die ruimte
  • Shenzhou 8 (31 Oktober 2011) – onbemande sending met twee poppe; koppel aan die ruimtelaboratorium Tiangong 1.[2]
  • Shenzhou 9 (16 Junie 2012) – drie bemanningslede, onder wie ’n vrou: Jing Haipeng, Liu Wang en Liu Yang; koppel aan Tiangong 1.[3][4][5]
  • Shenzhou 10 (11 Junie 2013) – drie bemanningslede, onder wie ’n vrou: Nie Haisheng, Zhang Xiaoguang en Wang Yaping; koppel aan Tiangong 1.[4]
  • Shenzhou 11 (17 Oktober 2016) – vervoer bemanningslede na Tiangong 2.

Beplande sendings
  • Shenzhou 12 – 2018[6]

Verwysings
  1. "《北京晚报》：探秘"神舟"三号中的"假人"" (in Viëtnamees). Geargiveer vanaf die oorspronklike op 20 Desember 2019. Besoek op 4 April 2002.
  2. Amos, Jonathan (31 Oktober 2011). "Chinese Shenzhou craft launches on key space mission". BBC (in Engels). Geargiveer vanaf die oorspronklike op 24 September 2019. Besoek op 1 November 2011.
  3. "Chinese astronauts return to Earth" (in Engels). 29 Junie 2012. Geargiveer vanaf die oorspronklike op 6 Desember 2014. Besoek op 11 Junie 2013.
  4. David, Leonard (7 Maart 2011). "China Details Ambitious Space Station Goals". SPACE.com (in Engels). Geargiveer vanaf die oorspronklike op 30 April 2020. Besoek op 11 Maart 2011.
  5. Stephen Clark. "China Sets Summer Launch For Next Human Spaceflight" (in Engels). SpaceflightNow.com. Geargiveer vanaf die oorspronklike op 20 Desember 2019. Besoek op 18 Februarie 2012.
  6. "神舟十二号飞船(SZ-12)：对接2018年发射升空的空间站核心舱。 - China Spaceflight". www.chinaspaceflight.com. Geargiveer vanaf die oorspronklike op 19 November 2018. Besoek op 18 Oktober 2016.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.