Sharjah

Sharjah (Arabies: ٱلشَّارقَة, aš-Šāriqah) is die hoofstad en grootste stad van die emiraat Sharjah van die Verenigde Arabiese Emirate aan die Persiese Golf. Met 'n bevolking van sowat 1 400 000 in 2015 is dit ook die derde grootste en derde mees bevolkte stad van dié land ná Doebai en Aboe Dhabi.

Sharjah

ٱلشَّارقَة
Stad
'n Uitsig oor Sharjah
'n Uitsig oor Sharjah
Vlag van Sharjah
Vlag
Wapen van Sharjah
Wapen
Sharjah is in Verenigde Arabiese Emirate
Sharjah
Sharjah
Ligging in die Verenigde Arabiese Emirate
Koördinate: 25°21′27″N 55°23′27″O
LandVlag van Verenigde Arabiese Emirate Verenigde Arabiese Emirate
EmiraatSharjah
Oppervlak
 • Totaal235,5 km2 (90,9 vk. myl)
Hoogte
3 m (10 ft)
Bevolking
 • Totaal1 400 000
TydsoneUTC+04:00 (GST)
LughaweSharjah Internasionale Lughawe
Webwerfsharjah.ae
Luglyn van die stad

Die emiraat deel wetlike, politieke, militêre en ekonomiese funksies met die ander emirate van die VAE binne 'n federale raamwerk, hoewel elke emiraat jurisdiksie het oor sommige funksies soos siviele wetstoepassing en voorsiening en instandhouding van plaaslike fasiliteite. Sharjah word sedert die 18de eeu deur die Al Qasimi-dinastie regeer.

Die stad is 'n sentrum vir kultuur en nywerheid, en dra op sy eie 7,4% van die BBP van die Verenigde Arabiese Emirate by.[1] Die stad beslaan 'n benaderde oppervlakte van 235 km² en het 'n bevolking van meer as 800 000 (2008).

Die verkoop of verbruik van alkoholiese drank is verbode in die emiraat Sharjah sonder die besit van 'n alkohollisensie en alkohol word nie in Sharjah-hotelle, restaurante of ander afsetpunte bedien nie weens die Moslem-meerderheid in die area. Dit het Sharjah gehelp om die aantal Islamitiese toeriste wat die land besoek, te verhoog.[2] Sharjah is amptelik aangewys as 'n WGO gesonde stad.[3] Die 2016-uitgawe van QS Best Student Cities het Sharjah as die 68ste beste stad ter wêreld gelys om 'n universiteitstudent in te wees.[4] Sharjah word beskou as die kulturele hoofstad van die VAE,[5] en was die Islamitiese kultuurhoofstad in 2014.[6] Sharjah is deur UNESCO as Wêreldboekhoofstad vir 2019 aangewys.[7]

Sharjah is per lug verbind aan die buiteland met die Sharjah Internasionale Lughawe. Sharjah was een van die gasheerstede tydens die T20I-wêreldbeker 2021.

Eksterne skakels

Verwysings
  1. "About Sharjah". This is sharjah. Geargiveer vanaf die oorspronklike op 15 Maart 2015.
  2. "Sharjah's tourism focus is all about Islamic culture". The National. 17 Desember 2013. Besoek op 24 Februarie 2015.
  3. "Sharjah officially named WHO Healthy City". Sharjah Update. 27 April 2016. Besoek op 2 Mei 2016.
  4. "QS Best Student Cities 2016". topuniversities.com. 30 November 2015. Besoek op 12 April 2017.
  5. Reporter, Jumana Khamis, Staff (23 November 2013). "Sharjah, the cultural capital of the UAE". gulfnews.com. Besoek op 12 April 2017.{{cite web}}: AS1-onderhoud: meer as een naam (link)
  6. "2014 is Sharjah's Islamic Culture Capital year, and it will be a busy one for Sheikh Sultan - The National". thenational.ae. 28 Desember 2013. Besoek op 12 April 2017.
  7. "Sharjah named World Book Capital 2019". 26 Junie 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.